JETI QAZYNA kolleksııalyq monetalary aınalymǵa shyǵady

Monetalar 100 teńgelik nomınal «uncirculated» sapamen nıbrass/neızılber qospasynan daıyndalǵan.

• 500 teńgelik nomınal altynnan daıyndalǵan;
• 500 teńgelik nomınal kúmisten daıyndalǵan;
• 5000 teńgelik nomınal kúmisten daıyndalǵan;
• 200 teńgelik nomınal bir blısterlik jıyntyqta turatyn melhıor qospasynan daıyndalǵan jáne 100 teńgelik nomınal nıbrass/neızılber qospasynan daıyndalǵan, sapasy - «brilliant uncirculated».

«JETI QAZYNA» monetalary «Dala qazynasy» serııasymen shyǵarylady. Ejelgi ańyz boıynsha, naǵyz qazaq kóshpendisiniń basty jeti qazynasy bolǵan: er jigit, aqyldy, sulý áıel, qumaı tazy, aqyl-bilim, beren myltyq, júırik at jáne qyran búrkit. Aqyldy jar – otbasynyń berekesi, qumaı tazy – ań aýlaýdaǵy serigi, beren myltyqpen urysta sátsizdikke ushyramaıdy, júırik at pen qyran búrkit – jaýapty sátte kómekshi, al jan-jaqty bilim – dana sheshim qabyldaýǵa kómektesedi dep eseptelgen.

Nomınaly 100 teńgelik bıkolorly aınalystaǵy monetalar 7 túrde berilgen - «ER JIGIT», «SULÝ ÁIEL», «QUMAI TAZY», «AQYL BILIM», «BEREN MYLTYQ», «JÚIRIK AT», «QYRAN BÚRKIT».

Bul monetalar aınalymǵa tek ekinshi deńgeıdegi bankter arqyly shyǵarylady. Keıin aınalymdaǵy ózge monetalarmen birge qolma-qol aqsha túrinde paıdalanylady. Bul «JETI QAZYNA» serııasyndaǵy monetalar zańdy tólem quraly retinde tanylady jáne tólemderdiń barlyq túri boıynsha qabyldanýǵa mindetti, ıaǵnı, olardy taýar alǵanda nemese belgili bir qyzmetti paıdalanǵanda tólem quraly retinde paıdalanýǵa bolady degen sóz.

Monetalardyń tehnıkalyq jáne naqty ólshemderi (massasy, dıametri, qalyńdyǵy, metall qorytpasy) ózgerissiz saqtalǵan. Tehnıkalyq sıpattamalary jaǵynan olar nomınaly 100 teńgelik monetalarǵa tolyǵymen uqsas. Sol sebepti «JETI QAZYNA» monetalaryn qabyldaý úshin tólem termınaldary men basqa da kassalyq tehnıkany qosymsha qaıta teńsheý talap etilmeıdi.

100 teńgelik nomınaldyń massasy – 6,45 g, dıametri – 24,5 mm. Ár túrinen 500 000 dana, jalpy taralymy – 3,5 mln dana.

Altynnan, kúmisten jáne melhıordan daıyndalǵan «JETI QAZYNA» kolleksııalyq monetalary barlyq jeti dala qazynasynyń kórkem beınesin bir monetada kórsetedi.

Blısterlik jıyntyq nomınaly 200 teńgelik «rroof-like» sapasymen melhıor qospasynan daıyndalǵan bir kolleksııalyq monetadan jáne nomınaly 100 teńgelik «brilliant uncirculated» sapasymen nıbrass/neızılber qospasynan daıyndalǵan jeti bıkolorly aınalystaǵy monetadan turady. Bul blısterlik jıyntyqtyń taralymy - 25 000 dana.

«JETI QAZYNA» kolleksııalyq monetalary:

1) 500 teńgelik nomınal «proof» sapasymen 999/1000 synamaly altynnan turady, , massasy 7,78 gramm, dıametri 25 mm, taralymy 1000 dana;

2) 5000 teńgelik nomınal «proof» sapasymen 925/1000 synamaly kúmisten turady, , massasy 777,5 gramm, dıametri 100 mm, taralymy 250 dana;

3) 500 teńgelik nomınal «proof» sapasymen 925/1000 synamaly kúmisten jasalǵan, , massasy 31,1 gramm, dıametri 38,61 mm, taralymy 3 000 dana;

4) 200 teńgelik nomınal «rroof-like» sapasymen MN 25 melhıor qospasynan jasalǵan, massasy 15 gramm, dıametri 33 mm, taralymy 25 000 dana.

5) 100 teńgelik nomınal «brilliant uncirculated» sapasymen nıbrass/neızılber qospasynan turady, massasy 6,45 gramm, dıametri 24,5 mm, ár túrinen 25 000 dana, jalpy taralymy 175 000 dana. 

Nomınaly 500 teńgelik - altynnan, nomınaly 500 jáne 5 000 teńgelik - kúmisten daıyndalǵan monetalar, nomınaly 200 teńgelik melhıor qospasynan daıyndalǵan bir kolleksııalyq monetadan jáne nomınaly 100 teńgelik «brilliant uncirculated» sapasymen nıbrass/neızılber qospasynan daıyndalǵan jeti bıkolorly aınalystaǵy monetadan turatyn blısterlik jıyntyq kolleksııalyq quny boıynsha satýǵa arnalǵan.

Altynnan jáne kúmisten daıyndalǵan monetalar kádesyılyq oramda shyǵarylady jáne Qazaqstan Ulttyq Bankiniń memlekettik, orys jáne aǵylshyn tilderinde nómirlik sapa sertıfıkatymen jabdyqtalǵan. «rroof-like» sapasymen melhıor qospasynan jáne «brilliant uncirculated» sapasymen nıbrass/neızılber qospasynan daıyndalǵan monetalar blısterlik jıyntyqta shyǵarylady.

Bul monetalar tólemniń barlyq túri boıynsha Qazaqstan Respýblıkasynyń búkil aýmaǵynda, olardyń belgilengen qunymen qabyldanýǵa, sondaı-aq bank shottaryna esepke jazylýǵa jáne aýdarylýǵa mindetti, Qazaqstan Respýblıkasynyń bankterinde shekteýsiz usaqtalady jáne aıyrbastalady.

Aınalymdaǵy kolleksııalyq jáne bıkolorly monetalar Qazaqstan teńge saraıynda daıyndalǵan.

Baǵaly metaldardan jasalǵan jáne blısterlik jıyntyqtardaǵy kolleksııalyq monetalardy satý kúni týraly aqparat Qazaqstan Ulttyq Bankiniń resmı saıtynda jarııalanady. Bul monetalardy Ulttyq Banktiń barlyq aýmaqtyq fılıaldarynan, sondaı-aq QUB ınternet-dúkeni arqyly satyp alýǵa bolady.