"Bizdiń búgingi mindetimiz – Memleket basshysynyń Joldaýyndaǵy tapsyrmaǵa sáıkes ártaraptandyrylǵan jáne tehnologııalanǵan ekonomıkany qalyptastyrý. Osy maqsatqa qol jetkizýde Transulttyq kopanııalar mańyzdy rólge ıe. Transulttyq kompanııalardyń jalpy somasy 165 mlrd teńge bolatyn, tórt myń jumys ornyn quratyn 9 jobasy júzege asyrylýda. Onyń úsheýi - "Mareven Fýd", "Lýkoıl", "Willo" iske qosyldy, jyl sońyna deıin taǵy bir nysan - qýattylyǵy jylyna 60 myń tonnalyq "SSA Fıd Mılls" qurama jem zaýyty paıdalanýǵa beriledi, - dep atap ótti A. Batalov.
Spıker qýaty jylyna 1,2 mln tonna bolatyn oblystaǵy alǵashqy sement zaýyty "Alasem" iske qosylatynyn aıtty.
Jalpy bıylǵy jyly jalpy quny 153 mlrd teńge bolatyn barlyǵy 71 joba júzege asyrylady. Jyl qorytyndysynda ónerkásip óniminiń kólemi 1 trln teńgeden asady, shıkizattyq emes eksport 6% ósip, 406 mln AQSh dollaryna jetedi dep josparlanýda.
Jalpy oblystyń ınvestısııalyq qorjynynda jalpy quny 5 trln teńgeden astam 517 joba bar. Olarda 45 myń jumys orny ashylady.
