Bizdiń oblystaǵy «Pavlodar» dep ataý berilgen erkin ekonomıkalyq aımaq «qurylady, ashyldy» degeli de biraz bolyp qaldy. Oblys ortalyǵynyń soltústik ónerkásip aýmaǵynda ornalasqan erkin ekonomıkalyq aımaqtyń jalpy kólemi 3300 gektar jerdi alyp jatyr. Joba elimiz úshin mańyzdy. Mamandardyń aıtýynsha, onyń jumysyn jandandyrý úshin hımııa salasynda tabysty jumys istep kele jatqan sheteldik kásiporyndarmen áriptestik ornatý qajet. Sonda ǵana bul iske mol ınvestısııa tartýdyń múmkindigi qalyptaspaq. Eger aımaq aýmaǵyna 50-60-taı kásiporyn syıyp ketetindigin eskersek, bul árıne bir kúnniń sharýasy emes.
Bizdiń oblystaǵy «Pavlodar» dep ataý berilgen erkin ekonomıkalyq aımaq «qurylady, ashyldy» degeli de biraz bolyp qaldy. Oblys ortalyǵynyń soltústik ónerkásip aýmaǵynda ornalasqan erkin ekonomıkalyq aımaqtyń jalpy kólemi 3300 gektar jerdi alyp jatyr. Joba elimiz úshin mańyzdy. Mamandardyń aıtýynsha, onyń jumysyn jandandyrý úshin hımııa salasynda tabysty jumys istep kele jatqan sheteldik kásiporyndarmen áriptestik ornatý qajet. Sonda ǵana bul iske mol ınvestısııa tartýdyń múmkindigi qalyptaspaq. Eger aımaq aýmaǵyna 50-60-taı kásiporyn syıyp ketetindigin eskersek, bul árıne bir kúnniń sharýasy emes.
Degenmen, Elbasy tapsyrmasyn oryndaý barysynda osy «Pavlodar» arnaıy ekonomıkalyq aımaǵynda jýyrda eki jańa óndiristiń iske qosylatyndyǵy belgili boldy. Bul jaıynda «Kaýstık» AQ pen «Belızna-PV» JShS kásiporyndaryndaǵy tehnologııalyq úderistiń oryndalý barysymen tanysqan oblys ákimi Erlan Aryn málim etti. Iske qosylmaq eki óndiristiń biri – «Kaýstık» AQ-ta tuz qyshqyly, al, «Belızna-PV» JShS-inde turmysta qoldanylatyn hımııalyq zattar shyǵarý qolǵa alynbaqshy. Zaýyttyń tuz qyshqylyn óndiretin zaýyttyń qýattylyǵy jylyna 45 myń tonna eken. Bul kúnderi elimizde qoldanylatyn tuz qyshqyly Reseı, О́zbekstan jáne Qytaıdan ákelinedi. Al, jańadan shyǵatyn pavlodarlyq ónim básekege qabiletti.
Arnaıy ekonomıkalyq aımaq aýmaǵynda júzege asqan bul jobalar salyqtar men kedendik jeńildikter boıynsha basymdylyqtarǵa ıe. Sonymen birge, ekinshi jobaǵa salynǵan ınvestısııa kólemi 150 mıllıon teńgeni qurap otyr. Endi «Belızna-PV» JShS-niń ónimderi iri dıstrıbıýterlik kompanııalar men saýda jelileri arqyly satylady. Kompanııa elimizge ákelinetin ónimderge qaraǵanda óz ónimderin arzandaý baǵamen satady. Endigi úmit osy kásiporyndardyń aldaǵy ýaqytta shynaıy túrde iske qosylyp, lenta qıǵan soń toqtap qalmaı, el ıgiligine jumys jasaýynda bolyp otyr. Olardyń jumysyna sáttilik tileımiz.
Farıda BYQAI,
«Egemen Qazaqstan».
Pavlodar oblysy.
