Soltústiktegi ahýal Úkimetti de alańdatyp otyr. Keshe COVID-19-dyń taralýyna jol bermeý máseleleri jónindegi vedomstvoaralyq komıssııanyń tóraǵasy, Premer-Mınıstrdiń orynbasary Eraly Toǵjanov jumys saparymen oblysta boldy. Vıse-premerdiń sapary týraly aqparat jýrnalısterge Premer-Mınıstrdiń baspasóz qyzmetimen birlesip berildi. Onda E.Toǵjanov aldymen oblystyq Kópsalaly balalar aýrýhanasynda bolyp, óńirdiń koronavırýs ınfeksııasynyń ekinshi tolqynyna daıyndyǵy boıynsha jumystaryn teksergeni aıtylǵan.
Sondaı-aq eldiń ońtústik jáne batys óńirlerinen kelgen jas medısına qyzmetkerlerimen kezdesý ótkizdi. Vıse-premer óńirdegi epıdemııalyq jaǵdaı boıynsha oblys basshylyǵymen keńes ótkizip, oblys ákimi Qumar Aqsaqalovtyń, jergilikti memlekettik organdar basshylarynyń qabyldanyp jatqan sharalar týraly esebin tyńdady. О́ziniń sózinde Eraly Toǵjanov óńirde tirkelgen SOVID-19 faktileri sanynyń artyp otyrǵanyn atap ótti. Keıbir aýdandarda ol ótken aımen salystyrǵanda 4,7 ese ósken. Sondyqtan vıse-premer jergilikti bılik organdarynyń aımaqtaǵy epıdemııalyq jaǵdaıdy turaqtandyrýǵa kúsh jumyldyrý qajettigin atap ótti.
Conymen qatar SOVID-19-dy shetelden juqtyryp kelý jaǵdaılarynyń jalǵasyp jatqanyn eskere otyryp, vedomstvoaralyq komıssııa bıylǵy 9 qarashadan bastap Soltústik Qazaqstan boıynsha halyqaralyq eki jaqty jáne tranzıttik júk tasymaldaryn júzege asyratyn júrgizýshiler úshin teris nátıjesi bar PTR testileý týraly anyqtamany mindetti túrde usyný jónindegi talapty engizý týraly sheshim qabyldady. Qazaqstan azamattarynyń mundaı anyqtamasy bolmaǵan jaǵdaıda, júk tasymaldaýshylar PTR-test nátıjeleri daıyn bolǵanǵa deıin 2 táýlikke karantınde bolady.
Vedomstvoaralyq komıssııa oblys ákimdigine osy jyldyń 9 qarashasynan bastap birqatar shekteý sharalaryn qabyldaýdy, atap aıtqanda, Petropavl qalasynyń perımetri boıynsha blok-beketter ornata otyryp karantın engizýdi; kún saıynǵy ósimi 10-nan astam jaǵdaıdy quraıtyn eldi mekenderde sanıtarlyq blok-beketter ornatýdy; Petropavl ‒ Almaty baǵyty boıynsha temir jol tasymaldaryn aptasyna 7-den 3 retke deıin qysqartýdy; oblys ishinde jolaýshylar temir jol quramdarynyń aıaldaýyna tyıym salýdy; Petropavl qalasynan shyǵatyn áýe jolaýshylary úshin teris nátıjesi bar PTR anyqtamasynyń bolýyn mindetteýdi; dinı obektilerdiń, teatrlardyń, kınoteatrlardyń, mádenıet obektileriniń qyzmetin toqtata turýdy; jumys kúnderi úı-jaılardaǵy qoǵamdyq tamaqtandyrý obektileriniń jumysyn bir mezgilde 30-dan aspaıtyn kelýshiler bolǵan jaǵdaıda, 30-dan kem oryndy obektiler úshin eseptik oryndardyń 50%-ynan aspaıtyn jaǵdaıda saǵat 8.00-den 21.00-ge deıin shekteýdi; saýda úıleri, saýda ortalyqtary, aýdany 500 sharshy metrden astam azyq-túliktik emes dúkender jumysyn saǵat 10:00-den 20:00-ge deıin shekteýdi; demalys kúnderi qoǵamdyq tamaqtaný obektileriniń jumysyn tapsyrys berýshige jetkizý nysanyna aýystyrý arqyly saǵat 08:00-den 21:00 saǵatqa deıin shekteýdi; demalys jáne mereke kúnderi saýda úıleri, saýda ortalyqtary, aýdany 500 sharshy metrden asatyn azyq-túliktik emes dúkender jumysyn shekteýdi; jeksenbi kúnderi sulýlyq salondarynyń, shashtarazdardyń, basseınderdiń, fıtnes-klýbtardyń, jattyǵý zaldarynyń jumystaryn shekteýdi; oflaın keńester ótkizýge tyıym salýdy; qyzmetkerlerdiń keminde 80%-yn qashyqtan jumys isteý formatyna aýystyrýdy; áýejaılarǵa, temir jol vokzaldaryna kútip alatyn jáne shyǵaryp salatyn tulǵalardy kirgizýge tyıym salýdy (bılet bolǵan jaǵdaıda ǵana ótkizýdi); 65 jastan asqan adamdarǵa azyq-túlikti, birinshi kezekte qajetti taýarlardy, dári-dármekterdi jáne medısınalyq buıymdardy satyp alý jaǵdaılaryn qospaǵanda, asa qajettiliksiz turǵylyqty jerinen shyqpaýdy usynýdy; sondaı-aq karantın rejimin saqtaý jónindegi monıtorıngtik toptardyń jumysyn, atap aıtqanda, Petropavl qalasy, Aıyrtaý, Aqqaıyń, Aqjar aýdandarynda kúsheıtýdi; karantın rejimin saqtaý qajettiligi týraly halyq arasynda aqparattyq-túsindirý jumystaryn kúsheıtýdi; oblys turǵyndaryn PTR testileýmen qamtý kólemin arttyrý tapsyrdy.
Sapar barysynda Premer-Mınıstrdiń orynbasary 200 oryndyq jańa modýldik ınfeksııalyq aýrýhananyń ashylýyna qatysty.
Soltústik Qazaqstan oblysy
