Ulan aýdany, Bozanbaı aýylynyń turǵyny Erjan Sábıtov 2015 jyly otbasylyq sharýashylyq quryp, Aqjartas aýylynda mal ósire bastaıdy. О́kinishke oraı, urylar mazasyn ábden qashyrǵan. Bıyldyń ózinde 148 qoı, 11 bas sıyry joǵalǵan. Al byltyr urylar 26 bas jylqysyn qoldy qylǵan. Endi mine, 1 qarashada 400 orama shóbin órtep jibergen.
"Qurmetti Ishki ister mınıstri Erlan Turǵynbaev myrza! Men Sábıtov Erjan Seıtáshimuly Shyǵys Qazaqstan oblysy, Ulan aýdany, Bozanbaı aýylynyń turǵynymyn. 2015 jyly otbasylyq sharýashylyq qurǵam. Ol sharýashylyq aqjartas aýylynda. Alaıda sońǵy jyldary mal urlyǵy órship tur. Tek bıyl menen 148 bas qoı, 11 bas sıyr, byltyr 26 bas jylqym joǵaldy. Qarasha aıynyń biri kúni tańǵy saǵat úshke taıaý 400 rýlon shóbim men mal qorany órtep jiberdi. Oblystyq, aýdandyq polısııadan esh qaıyr joq. Aryzdan nátıje joq. Áli bir de qylmys ashylmady. Qurmetti mınıstr myrza, úmitim sizde. Kómek etińiz", deıdi qojalyq jetekshisi Erjan Sábıtov.
Oblystyq polısııa departamenti bergen aqparattarǵa súıensek, jyl basynan beri mal urlyǵynyń 232 faktisi tirkelgen. Al 2019 jyly 293 mal urlyǵy bolǵan. Jalpy alǵanda Shyǵys Qazaqstan aımaǵynda 442 bas mal joǵalsa, onyń 278-i tabylyp, ıesine qaıtarylǵan eken.
Shyǵys Qazaqstan oblysy
