Batys Qazaqstan oblystyq Bas memlekettik sanıtarlyq dárigeriniń qaýlysyna sáıkes engizilgen shekteý sharalarynyń saqtalýyn qadaǵalaý maqsatynda kóptegen nysandarǵa monıtorıngtik tekserý jumystaryn júrgizýde.
Oral qalasy boıynsha monıtorıngtik toptardyń baqylaýynda turǵan 170-ten astam nysan bar. Biraq, kópshilik jınalatyn, saltanatty is-sharalar ótkizý maqsatynda jalǵa beretin jeke úı men kottedjder óz kásibin toqtatar emes.
"О́tken qazan aıynda júrgizilgen monıtorıng nátıjesinde Oral qalasynda jumys kestesin buzǵan 22 nysan, jumys rejımin saqtamaǵan 53 nysan anyqtaldy. Karantın tártibin buzǵan 2 turǵyn da jaýapqa tartyldy", deıdi Oral qalasy ákimi apparaty aqparattyq tehnologııalar jáne memlekettik qyzmet kórsetý monıtorıngi bóliminiń basshysy Aslan Jarmuhanov.
Búginde keıbir meıramhanalardyń, qoǵamdyq oryndardyń shekteý tártibin birneshe márte buzǵany anyqtalǵan. Endi ol nysandardyń qyzmeti sot sheshimimen shektelýi nemese toqtatylýy múmkin.
Oral qalasynyń Bas memlekettik sanıtarlyq dárigeri M.Tanaýovtyń qaýlysyna sáıkes, qarasha aıynyń 7-sinen bastap keshki saǵat 23.00.-den tańǵy 6.00.-ge deıin avtokólikterdiń júrýine tıym salyndy.
Qyzmet babymen nemese asa qajet jaǵdaıda kóshege shyǵatyn kólik ıeleri "http://www.STOPCOVID.KZ" saıtynda tirkelýi tıis.
Batys Qazaqstan oblysy
