Almaty qalasynyń Polısııa departamenti 2020-2023 jyldarǵa arnalǵan Almaty qalasynda jol qozǵalysyn uıymdastyrý jáne jol qaýipsizdigin jaqsartý boıynsha Keshendi jospar ázirledi.
"Jospar bes bólimnen jáne 38 tarmaqtan turady. Onda jol qozǵalysyn basqarý tıimdiligin arttyrý, jaıaý júrginshilerdiń qaýipsizdigin arttyrý, jol jáne kóshe ınfraqurylymynyń qaýipsizdigin arttyrý, kóshe-jol jelisin tesý jáne qaıta qurý, sondaı-aq, avtoturaq alańyn damytý máseleleri qamtylǵan. Qazirgi ýaqytta avtomattandyrylǵan jelini basqarý júıesin jańǵyrtý jumystary júrgizilýde. Bul júıe naqty ýaqyt rejıminde qıylystardaǵy qozǵalysty retteýdi, osy baǵyttaǵy naqty qozǵalys qarqyndylyǵyn, kólik quralynyń qozǵalys statıstıkasyn esepteýdi, onlaın rejıminde keri sanaq tablosynyń jumysyn, mamandandyrylǵan kólik quraldarynyń basymdylyǵyn eskere otyryp qamtamasyz etedi. Zamanaýı eýropalyq jabdyqtar men kólik detektorlaryn qoldana otyryp, baǵdarshamdardaǵy onlaın basqarý qıylystardyń ótkizgishtigin 18-20% arttyrýǵa jáne kólik quraldarynyń aıaldamalaryn 20-40% -ǵa azaıtýǵa múmkindik beredi. Sondaı-aq, bul atmosferany lastaýshy zattar shyǵaryndylarynyń kólemin 25-35% -ǵa jáne jol-kólik oqıǵalarynyń sanyn 20% -ǵa deıin tómendetýge múmkindik beredi", – dedi Almaty qalalyq Polısııa departamentiniń bastyǵy Qanat Taımerdenov.
Qalada júrý taqtasymen retteletin 73 jaıaý júrginshi ótkeli bar.
"2021 jyly biz jaıaý júrginshilerdiń soqtyǵysýyn boldyrmaıtyn, júris bóliginde tártippen jáne qaýipsiz ótýdi qamtamasyz etetin, retteletin 70 jaıaý júrginshiler ótkelin jaıaý júrginshilerdi shaqyrý túımesimen jabdyqtaýdy usynamyz. Sonymen qatar, joǵary qarqyndy shaǵylysatyn plenkamen jol belgilerin, qosymsha jaryqtandyrǵyshtardy, shýyldyń jolaǵyn, soqqy jyldamdyǵyn shektegishterdi, fızıkalyq tosqaýyldardy jáne t.b. ornatý josparlanýda. Jaıaý júrginshilerge arnalǵan rettelmegen ótkelderdiń qurylysy jaıaý júrginshilerdiń qatysýymen bolatyn apattardyń sanyn 15-20% -ǵa azaıtýǵa múmkindik beredi. Búgin segiz jer ústi jaıaý júrginshiler ótkeliniń qurylysy júrip jatyr", – dep túıindedi Almaty polısııasynyń bastyǵy.
