«Kásipkerlik sýbektileri shekteý jáne karantın sharalaryn buzýdy jalǵastyrýda, olardyń arasynda turaqty túrde tártip buzýshylar bar. Barlyǵy Nur-Sultan qalasynda 25 nysan tirkeldi, onda birneshe ret shekteý jáne karantın sharalary buzylǵan. Olarǵa qatysty aýdandyq polısııa basqarmalarynan 140-tan astam materıal kelip tústi. Bul qoǵamdyq tamaqtaný jáne oıyn-saýyq mekemeleri - klýbtar, karaokeler», - dedi Janna Pirálıeva.
Jalpy bul mekemelerge 15 mıllıon teńge aıyppul salyndy. Barlyǵy 836 jeke, laýazymdy tulǵalar men kásipkerlik sýbektileri shekteý jáne karantın sharalaryn buzǵany úshin ákimshilik jaýapkershilikke tartyldy.
Nur-Sultan qalalyq polısııa departamentiniń jergilikti polısııa qyzmetiniń bólim bastyǵy Azamat Sadyqov jańa zań buzýshylyq jaǵdaılary týraly aıtty.
«Meıramhanalarda aýqymdy otbasylyq is-sharalar ótkizý úrdisi baıqalady. Mysaly, 25 qazanda mobıldi top Sembınov kóshesinde karantın rejımin buza otyryp jumys istegen «Suńqar» meıramhanasyn anyqtady. Mekemede «Qalja toıy» sharasyn ótkizgen 50-den astam kelýshi bolǵan. Jalpy, qala boıynsha karantındi buzýdyń 2029 jaǵdaıy tirkelgen. Olardyń 213-i maska taǵý tártibin elemeýge qatysty», - dedi Azamat Sadyqov.
Qala turǵyndary barlyq sanıtarlyq-epıdemıologııalyq erejelerdi saqtaýy, asa qajettilik bolmasa adam kóp jınalatyn jerlerge barmaýy tıis.
