B.Ospanov óziniń praımerızdi muqııat baqylap otyrǵanyn aıta kele, partııaishilik saılaý qarapaıym azamattar úshin saıası qyzmetke aralasýǵa jol ashqan shyn mánindegi tıimdi lıft bolǵanyna toqtaldy. Ol osy rette úmitkerlerdiń keıbireýlerine óz keńesin berip, Parlamenttegi jumys tájirıbemmen de bólisken.
«Jalpy, olardyń qatarynda bolashaqta aǵa býyndy almastyratyn jas, jigerli jastardyń bolýy qýantady. Al praımerızde jastar úshin 20%-tik partııalyq kvota engizý Partııa tóraǵasy – Elbasy tarapynan jastarǵa degen úlken qoldaý boldy», - dedi Berik Ospanov.
Depýtat búginde qarqyndy damyp kele jatqan Shymkent pen Túrkistannyń bolashaqta Ońtústik Qazaqstannyń lokomotıvi bolýǵa tıis ekenin alǵa tartty. Ol pikirsaıys barysynda týǵan ólkesiniń agrarlyq sektory men kásipkerlik salasyn damytý máselesin kóteretinin jetkizdi.
«Shymkent búkil Ortalyq Azııa óńirindegi naǵyz ekonomıkalyq oazıs bolýy múmkin. Túrkistan, óz kezeginde, bizdiń elimiz úshin ǵana emes, búkil túrki jáne musylman álemi úshin erekshe qasıetti mánge ıe. Qala ejelgi tarıhqa toly jáne Qazaqstan Respýblıkasynyń basty týrıstik baǵyttarynyń biri bola alady. Bul eki faktor óńirdi azyq-túlikpen qamtamasyz etý máselesin pysyqtaýdy talap etedi. Qolaıly klımat jáne qunarly jer aýyl sharýashylyǵy daqyldarynyń kóptegen túrlerin ósirýge múmkindik beredi. Qazaqstan Respýblıkasy Parlamenti Májilisiniń Agrarlyq máseleler komıtetiniń tóraǵasy retinde men úshin ońtústik óńiriniń agrarlyq sektory men kásipkerlik salasyn damytý máselesi erekshe ózekti»- dedi halyq qalaýlysy.
Sondaı-aq, ol pikirsaıys barysynda basqa kandıdattardyń óńirdiń ózekti máselelerinen habardarlyǵyn baıqaýǵa, óz tájirıbesimen bólisýge múmkindik alyp, jańa kózqarastarmen tanys bolatynyna senimdi.
