Bul avtokólikti Memleket basshysynyń qatysýymen ótken vedomstvo alqasynyń sońǵy otyrysynda Qazaqstan Respýblıkasy Ishki ister mınıstri Erlan Turǵymbaevtyń qoıǵan mindetterin júzege asyrý aıasynda Ishki ister mınıstrligi bóldi. "Materıaldyq-tehnıkalyq bazany nyǵaıtý árqashan halyqpen baılanystaǵy qyzmetkerlerdiń jumysynyń tıimdiligin arttyrýǵa septigin tıgizedi. Jedel áreket etýge jaǵdaı jasaý - azamattardyń qaýipsizdigin qamtamasyz etýge zor úles qosý bolyp tabylady", dep atap ótti "Lada Vesta" avtokóliginiń sertıfıkaty men kiltin tabys ete otyra, Soltústik Qazaqstan oblysy Polısııa departamentiniń bastyǵy polısııa polkovnıgi Marat Tólebaev.
Petropavldaǵy №1 ÝPP ýchaskelik polısııa ınspektorlary qalanyń 24 myń adam turatyn ortalyq bóligine qyzmet kórsetedi. Bul birneshe kóńil kóterý oryndary, jańa salynǵan úıler men jer úıler, sporttyq obektileri bar iri aýdandardyń biri. Osy ýchaskelik polısııa pýnkti Soltústik Qazaqstan oblysynda aldyńǵy qatarda. Qalanyń basqa da ýchaskelik polısııa pýnkteri sııaqty planshettermen, aýlalarǵa jáne basqa da qoǵamdyq oryndarǵa shyǵarylǵan beınebaqylaý kameralarymen jabdyqtalǵan.
Petropavlda 13 ýchaskelik polısııa pýnkti bar, onda 90-nan astam ýchaskelik polısııa ınspektorlary jumys isteıdi. Qazir Prezıdent Joldaýyn iske asyrý sheńberinde ýchaskelik polısııa qyzmetkerleriniń mártebesin kóterý, olardyń ókilettikterin keńeıtý, materıaldyq-tehnıkalyq jabdyqtaý jumystary júrgizilýde.
PETROPAVL
