Aımaqtar • 06 Qarasha, 2020

Mobıldi toptyń jumysy kúsheıdi

530 ret

kórsetildi

1 mın

oqý úshin

Shyǵys Qazaqstannyń aýmaǵynda COVID-19 ınfeksııasy dendep tur. Osy jaǵdaıǵa baılanysty "Shyǵys – Adaldyq alańy" jobalyq keńsesi sanıtarlyq-epıdemııalyq talaptar buzylǵandyǵy jóninde habarlama alyp otyrý úshin jedel jelini iske qosty, dep habarlaıdy Egemen.kz

Mereı QAINARULY

Oblys aýmaǵyndaǵy kez kelgen turǵyn bas sanıtarııalyq dárigerdiń qaýlysyna sáıkes sanıtarlyq talaptardy saqtamaǵandardy 87784746935 WhatsApp nomeri boıynsha beıne-sýret jiberý arqyly habarlaı alady. Kelip túsken shaǵymdardyń barlyǵy tıisti organdarmen birlesip qaralatyn bolady.

Turǵyndardan kelip túsken alǵashqy habarlama boıynsha mobıldi top О́skemendegi "Fora", "Mechta" tehnıkalyq-turmystyq marketine jáne «Olıve» ashanalar jelisine baryp, sanıtarlyq-epıdemıologııalyq talaptardyń saqtalýyna monıtorıng júrgizdi.

Nátıjesinde 60-tan astam tutynýshyǵa bir mezette qyzmet kórsetip, sanıtarlyq talaptardy buzǵany úshin polısııa qyzmetkerleri ashana qyzmetkerleri men ákimshisinen túsinikteme aldy. Ákimshilik hattama toltyrý úshin dáleldeme materıaldardy ShQO sanıtarııalyq-epıdemıologııalyq baqylaý departamentine jiberildi.

Betperde taǵý, araqashyqtyqty saqtaý jáne ózge de talaptar eskerýsiz qalmaý úshin arnaıy mobıldi top kúndelikti reıd júrgizedi.