Vıse-premer óńirdegi epıdemııalyq ahýal jóninde keńes ótkizip, jergilikti memlekettik organdar basshylyǵynyń aımaqta qabyldanyp jatqan sharalar týraly esebin tyńdady.
Eraly Toǵjanov bıylǵy qarasha aıynan bastap óńirde COVID-19 faktileriniń edáýir ósýi tirkelgenin atap ótti. Qostanaı qalasynda, Jitiqara, Qarabalyq aýdandarynda epıdemııalyq jaǵdaıdy turaqtandyrý qajettiligine erekshe nazar aýdardy.
Vıse-premer óńirdegi epıdemııalyq jaǵdaıdy turaqtandyrý boıynsha jergilikti memlekettik organdardyń jumysynyń nasharlyǵyn atap ótip, Densaýlyq saqtaý mınıstrligi usynymdarynyń saqtalýyna baqylaýdy kúsheıtýdi tapsyrdy. Premer-Mınıstrdiń orynbasary oblystyń keıbir qalalary men aýdandarynda PTR testileýdiń bolmaýyn eskere otyryp, bul qyzmettiń oblys turǵyndary úshin qoljetimdi bolýyn qamtamasyz etýdi shuǵyl sheshýdi tapsyrdy.
Keshe vedomstvoaralyq komıssııanyń kelisimi boıynsha oblys ákimdigi aǵymdaǵy jyldyń 9 qarashasynan bastap sanıtarlyq rejimdi qatańdatý jóninde birqatar sharany qabyldady. Sonymen qatar, vedomstvoaralyq komıssııa oblys ákimdigine qosymsha shekteý sharalaryn qabyldaýdy, sonyń ishinde Qostanaı – Qaraǵandy, Qostanaı – Almaty baǵyttary boıynsha temir jol tasymaldaryn aptasyna 7 retten 3 retke deıin qysqartýdy jáne oblys ishinde jolaýshylar temir jol quramdaryn toqtatýǵa tyıym salýdy (oblys ákimdigi aıqyndaıtyn oryndardy qospaǵanda) tapsyrdy.
Sondaı-aq, óńir basshylyǵyna karantın rejimin saqtaý boıynsha monıtorıng toptarynyń qyzmetin kúsheıtý, sondaı-aq turǵyndar arasynda karantın rejimin múltiksiz saqtaý qajettiligi týraly aqparattyq-túsindirý jumystaryn júrgizý tapsyryldy. Jumys sapary barysynda Premer-Mınıstrdiń orynbasary medısınalyq nysandarda, atap aıtqanda oblystyq aýrýhanada, medısınalyq maska óndiretin kásiporynda jáne dári-dármek qoımalarynda bolyp, óńirdiń koronavırýs ınfeksııasynyń yqtımal tolqynyna daıyndyǵyn tekserdi. О́ńirdegi epıdemııalyq jaǵdaı Úkimettiń turaqty baqylaýynda.
Qostanaı oblysy
