“Jumys aptasy sońynda azamattardy qabyldadym. Kem degende bir adamnyń máselesi sheshilse, ol tek sol adamnyń jaǵdaıyn jaqsartyp ǵana qoımaı, sonymen birge onyń otbasy men jaqyndarynyń da jaǵdaıyn jaqsartady.
Qala turǵyndary kótergen negizgi máseleler qataryna turǵyn úı, medısınalyq kómek, bilim alý, jumysqa ornalasý jáne t.b. jatady. Baspana kezekke sáıkes beriledi. Sonymen birge birqatar turǵyn úı baǵdarlamalary da bar. Qazaqstandyq ıpotekalyq kompanııamen birlese áleýmettik páterlerdi alýshylar tizimin birneshe ese keńeıttik: bilim berý jáne densaýlyq saqtaý salasynyń qyzmetkerlerinen basqa áleýmettik qyzmetkerler, TJD, polısııa departamentiniń qyzmetkerleri, mádenıet jáne sport qaıratkerleri de engizildi.
Sondaı-aq turǵyn úı sertıfıkattaryn alýshylardyń sanatyn keńeıttik. Eger buryn tizimde tek tolyq emes otbasylar, kóp balaly otbasylar jáne erekshe qajettiligi bar balalardy tárbıelep otyrǵan otbasylar bolsa, qazir tizimge halyqtyń áleýmettik álsiz toptarynyń barlyq sanattary engizildi. Onyń ishinde jetim balalar da bar.
Turǵyn úı baǵdarlamalaryna qatysý úshin biz qala turǵyndaryna bilim alýǵa jáne biliktiligin arttyrýǵa, jumysqa ornalasýǵa kómektesemiz. Bıyl tek jumyspen qamtý jol kartasy baǵdarlamasy boıynsha 15 myńnan astam adam jumysqa ornalastyryldy. Jartysyn jumyspen qamtý ortalyǵy arqyly jumysqa ornalastyrdyq.
Azamattardy qabyldaýda aıtylǵan máselelerdi baqylaýǵa alamyz. Azamattardy onlaın qabyldaýdy apta saıyn ótkizemiz”,- dep jazdy Altaı Kólginov.
