Atlasta jańa, ózgeretin jáne joıylyp bara jatqan kásipter anyqtalǵan, sonymen qatar eńbek naryǵyn synı túrde ózgertetin negizgi tehnologııalyq trendterdiń taldanǵan.
Atlastyń negizgi bóligin ázirleý forsaıt-sessııalar sheńberinde 9 negizgi sala boıynsha ótti: munaı-gaz, aýyl sharýashylyǵy, kólik jáne logıstıka, mashına jasaý, aqparattyq-kommýnıkasııalyq tehnologııalar, energetıka, týrızm, taý-ken metallýrgııa kesheni jáne qurylys. Salalyq mınıstrlikterdiń qatysýymen salalyq qaýymdastyqtardan 2000-nan astam sarapshy tartyldy.
3 qarashada QR Eńbek jáne halyqty áleýmettik qorǵaý mınıstrliginde beıindi mınıstrlikter ókilderiniń qatysýymen Atlas nátıjeleri qaralyp, qabyldandy, olar qazirgi ýaqytta EEB-da árbir qyzyǵýshylyq tanytqan azamatqa qoljetimdi.
Búgingi tańda IOS jáne Android platformalaryna arnalǵan mobıldi qosymsha ázirlenýde.
Esterińizge sala keteıik, «Eńbek naryǵynda suranysqa ıe jańa kásipter men quzyretterdiń atlasy» ulttyq jobasy QR Prezıdentiniń «Barshaǵa ortaq ıgilik! Sabaqtastyq. Ádildik. О́rleý» saılaýaldy baǵdarlamasy jáne «Birge» jalpyulttyq aksııasy barysynda alynǵan usynystar sheńberinde ázirlengen. Atlas jumyspen qamtý jáne eńbek daǵdylary salasyndaǵy nátıjelerdi jaqsartýǵa, tehnıkalyq jáne kásiptik bilim berý uıymdary men joǵary oqý oryndarynda daıarlaý, oqytý baǵdarlamalarynyń ózektiligin arttyrýǵa baǵyttalǵan. Atlas nátıjeleri jańa bilim berý pánderin engizý kezinde oqý oryndary úshin negizgi baǵdarǵa aınalady.
