Taldyqorǵan garnızonyndaǵy áskerı aerodromnyń ushý-qoný jolaǵyn qaıta qurylymdaý jumystary jalǵasýda. Qurylys jumystarynyń barysymen Qorǵanys mınıstriniń orynbasary general-maıor Baǵdat Maıkeev tanysyp qaıtty.
Taldyqorǵan garnızonyndaǵy áskerı aerodromnyń ushý-qoný jolaǵyn qaıta qurylymdaý jumystary jalǵasýda. Qurylys jumystarynyń barysymen Qorǵanys mınıstriniń orynbasary general-maıor Baǵdat Maıkeev tanysyp qaıtty.
О́tken ǵasyrdyń 70-jyldarynyń basynda paıdalanýǵa berilgen avıabazany tolyq qaıta qurylymdaý tuńǵysh ret júrgizilip otyr. Jańa ushý-qoný jolaǵyna arnaıy temir-betondy taqtalar tóselmek. Olar artyq salmaqqa tózimdi ári qaýipsiz. Sondaı-aq, ony paıdalaný merzimi de uzaratyn bolady. Jóndeý jumystary barysynda jolaqtyń eni men uzyndyǵy da ulǵaıady.
– Qorǵanys mınıstri avıabazalardyń jaǵdaıyna barynsha kóńil aýdarýda jáne barlyq áskerı aerodromdarǵa jańǵyrtý júrgizý týraly tapsyrma berdi. Qosymsha jóndeý men eksplýatasııany qajet etetin áskerı aerodromdardyń barlyq ushý-qoný jolaqtary avıasııanyń zamanaýı talaptaryna saı qaıta óńdeýden ótýi kerek. Sebebi, bul áskerı aerodromdardyń ushý-qoný jolaǵyna joıǵysh ushaqtar, shabýyldaýshy ushaqtar, bombalaýshy jáne kóptonnaly kóliktik ushaqtar qonady, – dep atap ótti general-maıor Baǵdat Maıkeev. Ol, sonymen qatar, jaýyngerlik ushaqtar men tikushaqtardyń udaıy ázirligin qamtamasyz etetin aerodrom joldarynyń sapaly qurylysynyń strategııalyq mańyzy bar ekenin de aıtty.
Qorǵanys mınıstriniń orynbasary Áskerlerdi páterlerge ornalastyrý bas basqarmasynyń basshysy polkovnık Ildar Gınıatýlınge qurylys jumystaryn aǵymdaǵy jyldyń aıaǵyna deıin aıaqtaýdy tapsyrdy. Júrgizilgen jumystardyń sapasyna kóńili tolatynyn jetkizdi.
Buǵan deıin habarlaǵanymyzdaı, «Taldyqorǵan» aerodromy qaıta jóndeýden ótken soń Qazaqstan áskerı-áýe kúshteri ásker teginiń jaýyngerlik qabileti men memlekettik avıasııanyń ushý qaýipsizdigin arttyratyn jańa quraldarmen jaraqtanǵan zamanaýı aerodromǵa ıelik etetin bolady. Aerodromdar jelisin jóndeýge memleketten bólingen qarajat ushý qaýipsizdigi máselelerindegi mańyzdy baǵyt bolyp tabylady.
«Egemen-aqparat».
