Tokıo qalasynda ornalasqan japonııalyq baspasóz ortalyǵynda ATOM jobasyn tanystyrý sharasy aıasynda qazaqstandyq sýretshi jáne jobanyń qurmetti elshisi Káripbek Kúıikovtiń sýretter kórmesi ótti.
Tokıo qalasynda ornalasqan japonııalyq baspasóz ortalyǵynda ATOM jobasyn tanystyrý sharasy aıasynda qazaqstandyq sýretshi jáne jobanyń qurmetti elshisi Káripbek Kúıikovtiń sýretter kórmesi ótti.
Kórmeniń ashylý rásimine Japonııa Parlamentiniń depýtattary men basty memlekettik organdardyń, iri kompanııalar men BAQ-tardyń ókilderi, sondaı-aq, antııadrolyq qozǵalys salasyndaǵy áıgili uıymdardyń basshylary qatysty. Sonymen qatar, Japonııa Premer-mınıstriniń jubaıy Akıe Abe rásimniń qurmetti qonaǵy boldy.
Sharany ashqan Qazaqstannyń Japonııadaǵy elshisi Aqylbek Kamaldınov Prezıdent Nursultan Nazarbaevtyń Semeı ıadrolyq synaq polıgonyn jabýǵa qatysty tarıhı sheshiminiń mańyzdylyǵyn atap aıtyp, mártebeli meımandarǵa Qazaqstannyń jahandyq qaýipsizdikti kúsheıtýge qosyp kele jatqan úlesi jaıynda, sonymen qatar, Elbasynyń jańa halyqaralyq bastamasy bolyp tabylatyn ATOM jobasy jaıynda aıtyp berdi.
Japonııa Parlamenti keńesshiler palatasynyń depýtaty Kadzýıýkı Hamada óz sózinde Qazaqstan Prezıdentiniń ıadrolyq qarýsyz álem qalyptastyrýǵa jáne Ortalyq Azııany ıadrolyq qarýdan azat aımaq dep jarııalaýǵa baǵyttalǵan kúsh-jigerin atap ótti.
«Sýretshi – soǵys bastaıtyn adam emes: óner qaýipsiz álem qurýǵa kómektese alady», dedi sharada sóz sóılegen japondyq «Sýretsiz sýret kitaby» jobasynyń jetekshisi, sýretshi jáne dızaıner Hıromı Inaıoshı.
Qurmetti qonaqtarmen bolǵan áńgime arasynda K.Kúıikov Japonııa Premer-mınıstriniń jubaıyn Qazaqstannyń ıadrolyq qarýsyzdaný isine qosyp otyrǵan úlesimen tanysý jáne eki el arasyndaǵy ózara yqpaldastyqty nyǵaıtý maqsatymen Qazaqstanǵa shaqyrdy.
«Káripbek Kúıikovtiń sýretteri adamdardy ıadrolyq qarýsyz álemge baǵyttalǵan kúreske jigerlendiredi. Osy óner óz maqsatyna jetip, álem ıadrolyq qarýdan azat bolsa, tamasha bolar edi», degen A.Abe shara sońynda ónerdiń kúshi álemdi ózgertetinine senimin bildirdi.
ATOM jobasynyń kóp adamdardy ıadrolyq qarýdy tolyqtaı joıý jolyndaǵy berik qozǵalysqa úndeı alatyn úlken áleýeti bar ekeni jaıyndaǵy shara qonaqtarynyń pikirleri bir-birine úndes shyqty.
О́z kezeginde QR SIM-iniń Erekshe tapsyrmalar jónindegi elshisi Roman Vasılenko ATOM jobasynyń osy kúni álemniń 100 elinde qoldaý taýyp otyrǵanyn jáne jobanyń onlaın-petısııasyna qol qoıýshylardyń sany kúnnen-kúnge ósip otyrǵanyn atady.
Shara aldynda Japonııa qorynyń ǵımaratynda K.Kúıikovtiń bólek kórmesi ótti. Tokıodaǵy ATOM jobasyn tanystyrý sharasy men qazaqstandyq sýretshiniń kórmesine jalpy 2000 adam qatysty.
Sonymen qatar, K.Kúıikov Japonııanyń áıgili Keıo ýnıversıteti janyndaǵy oqý oryndary men Ikýbýnkan ınstıtýtynyń professorlyq-oqytýshylar quramy men stýdentteri aldynda sóz sóıledi. Japondyq oqýshylar men stýdentter Semeı ıadrolyq synaq polıgonynyń zardaptary men Qazaqstannyń ıadrolyq qarýsyzdaný jáne ıadrolyq qarýdy taratpaý salasyndaǵy sońǵy bastamalaryna úlken qyzyǵýshylyq tanytty.
ATOM jobasyn Japonııada tanystyrý sharasy belgili «Earth Identity Project» Úkimettik emes uıymynyń «Sýretsiz sýret kitaby» atty óner salasyndaǵy jobasy aıasynda uıymdastyryldy. Apta barysynda Hırosıma jáne Nagasakı qalalarynda da sharalar ótkizildi.
Sáýlebek BIRJAN.
