Monıtorıngtik top quramynda jergilikti polısııa bólimsheleriniń, qalalyq ákimdik jáne sanıtarııalyq qyzmet mamandary bar.
Tekseris barysynda, sońǵy eki kún ishinde qala boıynsha buzýshylyqtyń 9 faktisi tirkeldi. Atap aıtqanda, qoǵamdyq kólik ishinde áleýmettik araqashyqtyqtyń saqtalmaǵandyǵy (jolaýshylar sany shamadan artyq bolǵany), keıbir jolaýshylardyń betperdeni durys taqpaǵandyǵy nemese múldem taqpaıtyndary anyqtaldy. Barlyq buzýshylyqtar boıynsha kináli tulǵalarǵa polısııa qyzmetkerleri tarapynan ákimshilik hattamalar toltyryldy.
Sondaı-aq sanıtarııalyq qyzmet mamandary jolaýshylar men júrgizýshiler arasynda karantındik talaptardyń qatań saqtalýynyń mańyzdylyǵy jaıynda túsindirý jumystary júrgizildi. Onyń ishinde, barlyq adamdardyń betperde rejımin saqtaýy el ishinde COVID-19 taralý qaýpin 90% deıin azaıtýǵa múmkindik beretindigi jaıynda keńinen aıtyldy.
