Bul týrasynda Qaraǵandyǵa arnaıy kelgen Qazaqstandaǵy Fransııa Elshiliginiń mádenıet jáne yntymaqtastyq máseleleri jónindegi keńesshisi Aleks Bortolan, Orta Azııanyń Fransýz Alıanstary jelisiniń úılestirýshisi Vıven Fýkemen bolǵan kezdesýler barysynda aıtyldy.
Aıta ketý kerek, Qaraǵandy medısına ýnıversıteti men Pýate Fransýz ýnıversıteti budan alty jyl buryn yntymaqtastyq qarym-qatynas ornatqan. Osy jyldar ishinde eki oqý ornynyń oqytýshylary men stýdentteri arasynda tájirıbe almasý jaqsy jolǵa qoıylǵan. Mysaly, akademııalyq mobıldilik baǵdarlamasy boıynsha Pýate ýnıversıtetinde qaraǵandylyq 18 oqytýshy-stýdent taǵylymdamadan ótip keldi.
Medısına ýnıversıtetinde bolǵan kezdesýde baılanystyń irgesin bekite túsetin birneshe baǵdarlama talqylandy. Mysaly, Kot d'Azýr ýnıversıtetimen gınekologııa jáne onkologııa salasy boıynsha, Fransh-Konte ýnıversıtetimen bıoınjenerııa salasynda ózara is-qımyl jasaý nusqalary týraly áńgime órbidi. Sonymen qatar, «Erazmýs+» halyqaralyq kredıttik utqyrlyq baǵdarlamasy men «Abaı-Vern» stıpendııalyq baǵdarlamasy boıynsha usynystar da talqyǵa tústi.
Al Akademık E.Bóketov atyndaǵy Qaraǵandy memlekettik ýnıversıtetinde bolǵan kezdesýde ǵylym jáne bilim salasyndaǵy yntymaqtastyqtyń aıasyn keńeıtý týraly másele qaraldy. Rektor Nurlan Dýlatbekov Qaraǵandyda belsendi jumys isteıtin Fransýz Alıanstary jelisine jan-jaqty qoldaý kórsetetinin aıtty.
Býketov ýnıversıtetinde fransýz delegasııasy shet tilder fakýltetiniń jumysymen tanysty. Sheteldik qonaqtar kezdesýlerdiń jemisti bolǵanyn atap ótip, aldaǵy ýaqytta áriptestik negizdegi qarym-qatynasty nyǵaıta túsýge múddeli ekendikterin bildirdi.
Qaraǵandy oblysy
