Taratyp aıtsaq, 2,9 mlrd teńge qarjyǵa Oral qalasyndaǵy №33 jáne №51 orta mektepterdiń qurylysy, Qaztalov aýdany ortalyǵy men Saryqudyq aýylyndaǵy mektep ǵımarattary, Báıterek aýdanyna qarasty Zelenoe aýylyndaǵy orta mektep qurylysy salynbaq. Bókeı ordasy aýdanynyń Bórli aýylyndaǵy Mádına Begalıeva atyndaǵy orta mektebinde eki ǵımarat arasynda jabyq ótkeli, Jánibek aýdanynda Alma Orazbaeva atyndaǵy orta mekteptiń sportzal qurylysy, Aqjaıyq aýdany ortalyǵyndaǵy orta mektep te – osy jospar ishinde.
Oblystyq aýrýhanaǵa japsarlas salynǵan qosymsha men tez turǵyzylatyn juqpaly aýrýlar aýrýhanasynyń qurylysyna – 7,4 mlrd teńge qarastyrylǵan.
Sondaı-aq Terekti aýdany Jańa ómir aýylynda, Shynǵyrlaý aýdanynyń Tasmola aýylynda, Jańaqala aýdany Jańajol aýylynda aýyldyq mádenıet úıleri salynýda. Oral qalasy men Tasqala aýdany ortalyǵynda ákimshilik nysan ǵımaraty salynyp, Qaratóbe aýdany ortalyǵynda qurylys júrip jatyr.
Joǵaryda aıtylǵan nysandardyń ishinen búgingi tańda 5 áleýmettik ǵımarattyń qurylysy aıaqtalǵan. Batys Qazaqstandaǵy Qarashyǵanaq gaz kondensat keshenin ıgerýshi sheteldik alıans jyl saıyn oblys bıýdjetine qomaqty qarjy quıyp, óńirdiń áleýmettik máselelerin de sheshýge atsalysyp keledi.
2020 jyly Qarashyǵanaq Petroleým Opereıtıng b.v. kompanııasynyń qarajaty esebinen Jańaqala aýdany ortalyǵynda dene shynyqtyrý-saýyqtyrý ortalyǵynyń qurylysy aıaqtaldy. Sonymen qatar qazirgi tańda dál osyndaı 8 dene shynyqtyrý-saýyqtyrý ortalyǵy men balalar men jasóspirimderdiń sport mektebiniń bir ǵımaraty, Oral qalasynda 1 kópbeıindi mádenıet saraıynyń qurylysy júrip jatyr. Oral halyqaralyq áýejaı ǵımaratynyń qaıta qurylysy men modernızasııalaýy da osy QPO esebinen júrgizilýde. Taıaý bolashaqta Jánibek, Aqjaıyq, Bókeı ordasy, Shyńǵyrlaý, Qaztalov, Tasqala aýdany ortalyqtarynda, Terektiniń Podstepnoe jáne Qaztalovtyń Jalpaqtal aýyldarynda da zamanaýı sport keshenderi paıdalanýǵa berilmek.
