Volonterler jyly ashylǵan qorǵa jyl basynan beri memleket bıýdjetinen bólinip kelgen qarjy jarty jyldan soń toqtap qalǵan. О́ıtkeni, aqyly qyzmet kórsetýmen aınalysatyn basqa ortalyq narazylyq bildirip, sot úkimi «memlekettik tapsyrys zańsyz» degendeı sebeppen ortalyqtyń jumysyn toqtatqan. Biraq, zańger Vladıslav Jıvotıagın ortalyqtyń qujattary durys ekenin aıtady. Al memleket qarjy bólýdi toqtatqannan beri ortalyqtyń jetekshisi Daryn Saǵdoldın ǵımarattyń arendasy men mamandardyń jalaqysyn óz qaltasynan tólep otyr.
- Ortalyǵymyz erekshe qaraýdy qajet etetin 27 balaǵa tegin qyzmet kórsetip keledi. Sot jumysymyzdy toqtatqanymen, ózimiz jumysty jalǵastyryp kelemiz. О́ıtkeni balalarǵa bastalǵan em-domdy orta jolda qaldyrýǵa bolmaıdy. Munda balalarmen defektolog, logoped, psıholog, massajıst mamandar jumys isteıdi. Bári bilimdi, bilikti. Basseınge deıin aparady. Al balalardyń ata-analary jumys istemegendikten, basqa aqyly ortalyqtarǵa barýǵa shamalary kelmeıdi, - deıdi Daryn Saǵdoldın.
Bilikti mamandardyń aıtýynsha, DSP dertke, aýtızmge shaldyqqan balalardy emdeýge bolady. О́skemennen bir bala Sankt-Peterbýrgte emdelip, densaýlyǵyn 50-60 paıyzǵa jaqsartyp kelgen. Ony baıqaǵan ortalyq jetekshisi múgedek balalardyń shyǵyndanyp, shetelge sabylmaýy úshin memleketten utyp alynǵan 5 mln teńge granttyń qarjysyna arnaıy qurylǵy satyp alýdy kózdep otyr. Buǵan ata-analar qýanǵanymen, kóńilderinde alańdaýshylyq basym.
- Meniń balam DSP, epılepsııaǵa shaldyqqan. Munda bilimdi mamandardyń jumys isteıtinine kózimiz jetti. Qyzmettiń barlyq túri tegin kórsetiledi. Erekshe balalarǵa qarap otyrǵan ata-ana úshin úlken kómek edi, - deıdi ata-ana Damır Nurmuhanbet.
Kózderi jáýdiregen erekshe balalardyń saýyǵyp ketýi úshin jumys istep turǵan arnaıy ortalyqtyń erteńi bulyńǵyr. Jabylyp qalsa, mundaǵy ata-analardyń aqyly ortalyqta em alýǵa qaltalary kótere bermeıdi. Qaltalary kótergen kúnniń ózinde, erekshe balalardyń ózge ortaǵa beıimdelip ketýi qıyn.
О́skemen
