"Basty maqsat – jolda júrý erejelerin buzǵany úshin salynǵan aıyppulyn tólemeı júrgen júrgizýshilerdi anyqtaý. Patrýldik polısııa qyzmetkerlerimen tek bir táýlik ishinde aıyppulyn tólegen 8 júrgizýshi anyqtalyp, kólikteri arnaıy turaqqa koıyldy. Máselen, S.Datov kóshesinde reseılik nómiri bar «Audi a6» avtokóligi toqtatyldy. Tekserý kezinde kólik ıesiniń 500 040 teńgeni quraǵan aıyppulyn tólemegeni anyqtalyp, avtokólik aıyp turaǵyna jetkizildi. Is-shara kezinde 192 kólik ıesiniń 14 mln teńge kólemindegi aıyppuldy tólemegeni anyqtalyp, avtokólikteri aıyp turaǵyna qoıyldy", dep habarlady oblystyq polısııa departamentiniń baspasóz qyzmeti.
Aıyppul tólemeıtin júrgizýshilerdiń deni ózge elden kólik alyp kelgender. Solardyń qatarynda Reseıde tirkelgen kólikterdi ákelgen 135 júrgizýshi bar. Sondaı-aq, Armenııa Respýblıkasynyń kóligimen júrgender 18 júrgizýshi de aıyppulyn áli tólemegen.
