QYZMET AIаSY KEŃIDI

О́tken jyly oblysty bylaı qoǵanda Aqtóbe qalasynyń ózinde kóptegen densaýlyq saqtaý mekemeleri paıdalanýǵa berildi. Onyń ishinde ekeýi Elbasynyń “100 aýrýhana men 100 mektep” baǵdarlamasy boıynsha jyl aıaǵyna taman paıdalanýǵa berilgen. №1 qalalyq emhana ǵımaraty 1,3 mlrd. teńgege tústi. Qyrýar qarjy jumsal­ǵan emhana qalalyqtarǵa medısınalyq qyzmet kórsetý sapasyn qan­sha­lyqty jaqsartty? Osyny bilmek nıetpen №1 qalalyq emhana bas dárigeriniń emdeý isteri jónindegi orynbasary Tatıana KONDRATKOǴA jolyǵyp, áńgimelesken edik. – Jańa ǵımarattyń qandaı tıimdilikterin kórip otyrsyzdar? – Burynǵy eski ǵımaratta qysylyp-qymtyrylyp, keıbir apparatýralar bolmaı, berekemiz ketetin. Dárigerge qaralýǵa kelgen­der saǵattap kútip, taǵatyn taýysatyn, bizde anyqtaýǵa múmkindik bolmaǵandyqtan, keıbir aýrýlardy qalanyń ekinshi shetindegi emhana­larǵa jiberip, áýrege túsetinbiz. Sondaı-aq ár túrli aýrýlardyń aralasyp júrýi de talapqa saı kelmeıtin. Jańa ǵımarat eńseli de jaryq, keń. Osynda 550 bólme, árqaısysy 70 adamdyq eki zal bar. Eresekter bólimi 350 syrqatty, balalar bólimi 150 kelýshini qabyl­daı alady. Munda medısınalyq tekserilýge qajetti bólimshe­ler men qondyrǵylar jetki­likti. Osy zaman­ǵy eki sandyq rentgen apparaty, flıýrografııalyq qondyrǵy, ýltra dybys­tyq tekserý apparat­tary, basqa qajetti medısınalyq quraldar dárigerlerdiń eńbegin jeńildetýmen birge, medısınalyq qyzmet sapasyn arttyra tústi. Bıohımııa­lyq, dáret, qan jáne basqa ólshemder boıynsha aýrýdy anyqtaıtyn zerthanalar da ıgilikke qyzmet etýde. Olardyń ishinde bir sátte on segiz kórsetkish boıynsha taldaý jasaıtyn apparatpen jabdyq­talǵan zerthananyń qolymyzdy anaǵurlym uzartqanyn aıtý lázim. Munyń ózi aýrýlar­dyń bosqa sendelýin boldyrmaıtyny óz aldyna, syr­qattyń syryn tez ashýǵa da yqpal etedi. Barlyq bólim­she­ler bólek-bólek bloktarǵa ornalas­qan­dyqtan, kelýshi­lerdiń júrip-turýyna da yńǵaıly, bir dertpen alysyp júrip, ekinshi aýrýdy juqtyryp alamyn dep qaýiptenbeıdi. – Emhananyń kadrlyq qamtamasyz etilýi qalaı? Osy zamanǵy medısınalyq apparat­tarda jumys isteıtin maman dárigerler bar ma? – Jalpy bizdiń emhanaǵa turǵyndar qala­shyǵy aýdanyndaǵy 66 myń turǵyn bekitilgen. Biz qazir 81 myń turǵynǵa medısınalyq qyzmet kórsetip otyrmyz. Sebebi, qala mańynda ornalasqan Qýraıly eldi mekeni de bizge qaraıdy. Onyń ústine bizdiń aýdanda 39 jataqhana, 14 barak úı bar. Olarda kóbine alys aýdandardan kelgender turady. Olardyń bir-ekeýi ǵana esepke turady, qalǵandary esepte joq. Biraq biz olardy da qamtımyz ǵoı. Osynshama adamǵa 108 dáriger, 160 med­bıke qyzmet kórsetedi, 24 ýchaskelik tera­pevt dáriger, 20 ýchaskelik pedıatr dáriger jumys isteıdi. Dáriger­lerdiń 17-si joǵary, 42-si birin­shi jáne ekinshi dárejeli mamandar bolsa, medbı­kelerdiń 42-si joǵary, 29-y birinshi jáne ekinshi dárejeli qyzmetkerler. Jańadan alynǵan qon­dyr­ǵylarda jumys isteıtin dárigerler men med­bı­keler iri ­qalalardaǵy emhanalar men aýrýhana­larda tájirıbeden ótip keldi. Buǵan deıin áıel­derdi mammo­grafııalyq tekserý úshin basqa em­hana­larǵa jiberetinbiz. Qazir mundaı syrqattardy anyqtaýdyń barlyq múmkindigi bar, osy zamanǵy biregeı qondyrǵylardyń arqa­synda emshek bezi, jatyr moıyny qaterli isigi sııaqty áıelder aýrýlaryn alǵashqy saty­larynda anyqtaýǵa alǵyshart jasaldy. Jalpy emhanadaǵy biregeı apparattarmen bilikti dárigerlerdiń arqasynda aýrýdyń aldyn alý, qaterli isik jáne sozylmaly aýrýlardy erte anyqtaý jaqsara tústi. Emhanada jıyrma kereýettik kúndizgi stasıonarlyq bólim ashýǵa múmkindik týdy. Bul keıbir aýrýlardyń at sabyltyp turǵy­lyqty aýdanynan qashyqtaǵy aýrýhanalarǵa barmaı-aq, emhananyń ózinde em alýyna jaqsy boldy. Emhanadaǵy taǵy bir jańalyq – ol osynda ambýlatorııalyq-hırýrgııalyq ortalyqtyń ashylýy der edim. Ortalyqta kók ettiń jyr­tylýy, jara sııaqty jeńil aýrý­larǵa opera­sııa jasalady. Ujymda biryńǵaı ulttyq den­saýlyq saqtaý júıesine kóshýdiń alǵashqy qadamdary jasalýda. Keıbir tur­ǵyn­dar burynǵy emhana­lary­nan shyǵyp, bizge aýysyp jatyr. – Emhanaǵa jas mamandar qabyldandy ma? – Qabyldandy, olardyń deni akýsherlik-gınekologııalyq bólimshede jumys isteıdi. Jas dárigerlerge joǵary dárejeli dáriger Baqytgúl Súıinshálına tálimgerlik etedi. Bizdiń emhana ujymy halyqqa medısı­nalyq qyzmet kórsetýdiń sapasyn arttyrý baǵytynda aldaǵy ýaqytta da júıeli jumys­tar júrgize beredi. Ol úshin materıaldyq jaǵdaı jetkilikti, kadrlyq qamtamasyz etilýi de kóńilden shyǵady. Áńgimelesken  Satybaldy SÁÝIRBAI. Aqtóbe oblysy.