Búginde temir jol bıletterin «Jolaýshylar tasymaly» AQ 165 bılet kassalarynan, 3 myńǵa jýyq agenttik kassalarynan, onyń ishinde Amadeýs saýda oryndary men poshta bólimshelerinen, «QTJ» UK» AQ bilet.railways.kz saıtynan, sondaı-aq «QTJ bıleti» mobıldik qosymshasyn qosqanda 15 ınternet saıttarynan satyp alýǵa múmkindik qarastyrylǵan.
Sonymen qosa temir jol bıletterin vokzal aýmaǵynda jáne odan tys ornatylǵan shamamen 30 myńdaı ózine-ózi qyzmet kórsetý avtomattarynan («Kassa-24» ı QIWI) satyp alýǵa bolady. Internet jáne ózine ózi qyzmet kórsetý avtomattary arqyly temir jol bıletterin onlaın satý úlesi turaqty ósim tendensııasymen 47%-dy qurap otyr.
2020 jyly temir jol bıletterin satý júıesin jetildirý sheńberinde birneshe jańashyldyqtar júzege asyrylǵanyn aıta ketken oryndy. Mysaly, múgedektigi bar tulǵalar bilet.railways.kz saıty arqyly temir jol bıletterin jeńildikpen satyp alýy múmkindigi jasalǵan. Buǵan qosa bilet.railways.kz saıty «Kaspıı bank» AQ prosessıngimen tolyqtyryldy jáne de buryndary bılet kassalarynan POS-termınal arqyly tólenip qoıylǵan temir jol bıletterin qaıtarý kezinde jolaýshy kartasyna aqshany avtomatty túrde qaıtarý fýnksııasy iske qosyldy.
Touch ID ı Pin-kod – saýsaq izi kómegimen «QTJ bıleti» mobıldik qosymshasy qoldanýshylaryn aýtentıfıkasııalaý qyzmeti jumys isteıtinin aıta ketý kerek.
Byltyrdan beri saýdada bıletter bolmaǵan kezde jolaýshylarǵa tirkelýge jáne kezek tártibimen bıletter satyp alýǵa múmkindik beretin elektrondy «Kútý paraqshasy» qyzmeti de jolaýshylardyń sapaly qyzmet alýlaryna usynylady.
Osy oraıda «QTJ» UK» AQ temir jol bıletterin satyp alý úshin onlaın júıeni paıdalanýǵa keńes beredi.
