Jastardy jańashyldyqqa beıimdep, olardyń ózin ózi damytýyna jaǵdaı jasaýdy maqsat etken jobanyń ashylý saltanatyna Nursultan Nazarbaev Qorynyń dırektory Darıǵa Nazarbaeva, Aqparat jáne qoǵamdyq damý mınıstri Aıda Balaeva, Qazaqstan Jastar kongressiniń atqarýshy dırektory Toqtar Bolysov qatysty.
Darıǵa Nazarbaeva epıdemııanyń aıaqtalyp, qalypty ómirge qaıta oralatynymyzǵa senim bildire otyryp, pandemııa kezinde jaqynynan aırylǵandarǵa kóńil aıtty. Osyndaı aýyr kezeńde tynbaı eńbek etken volonterlerdiń jumysyn erekshe atap ótti.
«Qazaqstan Jastar kongresiniń belsendilerine, volonterlerge qıyn kezeńde adamdarǵa adal nıetpen qol ushyn berip, kómek kórsetkeni úshin alǵys aıtamyn. Elbasynyń bastamasy Biz Birgemiz jobasyn sátti iske asyrý úshin kóp jumys atqaryldy. Myńdaǵan meken jaıǵa azyq-túlik, sanıtarlyq quraldar jetkizildi. Osy kezeńde elimizdiń barlyq turǵynynyń birligin, bir ekenimizdi seziný mańyzdy boldy. Jeke kompanııalar da atsalysty. Joba aıasynda 850 myń adamǵa kómek kórsetildi. Qazaq eli jomart adamdarǵa baı. Olardyń márttigi úshin zor rızashylyǵymyzdy bildiremiz», dedi ol.
Sonymen birge pandemııany tez arada aıaqtala qoıady dep oılamaıtynyn, ondaı jaǵdaıda áli uzaq ýaqyt áreket etýge daıyn bolýymyz kerektigin atap ótti. «Al bul – qoldaýdy qajet etetin adamdarǵa barynsha kómek kórsetýdi jalǵastyrý kerek degen sóz. О́zimiz ben jaqyndarymyzdyń densaýlyǵyna jaýapkershilikpen qaraýymyz kerek. Onymen qosa úzdik tájirıbeni qoldap, nasıhattaý qajet», dedi D.Nazarbaeva.
«Baǵdarlamanyń ataýynda kórsetilgendeı, qazirgi jastardyń aldynda jańa mindetter tur. Elbasy Nur-Sultan qalasynda jasyl beldeý salý týraly bastama kóterdi. Qazir
15 myń gektar jerde 11,5 mln aǵash ósip tur. Astananyń klımaty ózgerdi, qala turǵyndary ormandarda demala alady. Buryn mekendemegen qustar keldi, janýarlar kóbeıdi. Mundaı beldeýler basqa da aımaqtarǵa qajet. Osy jobany bizdiń uzaqmerzimdi mindetimizge aınaldyrsaq deımin. Kongreske qarasty «Jasyl el» uıymy bar. Jastardyń osy salada tájirıbesi mol. Sonymen birge Úkimet pen ákimdikterdiń kómeginen úmittenemiz», dedi Nursultan Nazarbaev Qorynyń dırektory.
Odan bólek Nursultan Nazarbaevtyń aýyl jastaryn qoldaý baǵdarlamasy «Myń bala» jobasyna toqtalyp ótti. Darıǵa Nazarbaeva kongress jastaryn aýyl balalaryna kómek kórsetýge, olarǵa tálimger bolýǵa shaqyrdy. Sonymen qatar táýelsizdiktiń 30 jyldyǵy aıasynda iske asyrylatyn jobalardy talqylaýdy usyndy.
«Jastar úshin qoǵamǵa, ıaǵnı elimizge qaltqysyz qyzmet etýden mańyzdy is bolýy múmkin be? Osy qyzmet arqyly sizder tájirıbe jınaqtaısyzdar, qurmet pen bedelge ıe bolasyzdar jáne ómirde kóp jetistikterge jetesizder. Men sizderge shyn júrekten osyny tileımin. Osyndaı ómirlik ustanym jańa urpaqqa, jańa adamdarǵa kez kelgen daǵdarysty jeńýge jáne ulttyq egemendigimizdi nyǵaıtýǵa kúsh-qýat beredi dep senemin», dep túıindedi sózin Darıǵa Nazarbaeva.
Aqparat jáne qoǵamdyq damý mınıstri Aıda Balaeva: «Koronavırýstyq pandemııa bizdiń josparlarymyzǵa birqatar túzetý engizdi. Sonymen birge onlaın rejiminde tıimdi jumys isteı alatynymyzdy jáne jumys jasaýymyz keregin kórsetti. Epıdemııa adamdardyń oılaý qabiletin, ómirge degen kózqarasyn ózgertip, barlyǵymyz da óz jumysymyzda jáne kúndelikti ómirde úlken jaýapkershilikti sezinetin boldyq», dep atap ótti.
Mınıstr búgin el jastary úshin mańyzdy sharanyń bastalǵaly turǵanyn aıta kele, Elbasynyń «Bizdiń maqsatymyz – jastarǵa jańa álemde ómir súrýdi úıretý» degen sózin eske saldy. Táýelsizdik alǵaly elimizde jańa da jasampaz jastardyń qalyptasqanyn aıtty. «Bul joba jastarǵa bilim berýmen qatar, qundy pikirleri men keremet ıdeıalaryn qoldaý maqsatynda uıymdastyrylyp otyr», dedi A.Balaeva.
Uıymdastyrýshylardyń aıtýynsha, joba aıasynda bir aıdyń ishinde jas qazaqstandyqtar óz bilimin arttyryp, bilikti jattyqtyrýshylardan, sarapshylardan jáne ózge de shaqyrylatyn qonaqtardan kóshbasshylyq jáne ómirlik qarym-qabiletti úırenýge múmkindik alady.
Joba barysynda jastardyń ózekti máseleleri boıynsha áleýmettik dıalogty jandandyrý jáne áleýmettik seriktestik tetikterin ázirleý úshin, ortalyq memlekettik organdar basshylyǵynyń qatysýymen pikirtalastar josparlanǵan.
Jobanyń jumysy bes negizgi baǵyt boıynsha júzege asyrylady. Olar – azamattyq belsendilik, volonterler, aqparattyq tehnologııalar, jastar kásipkerligi jáne jeke damý.
Sabaqtar onlaın-formatta júzege asyrylatyndyqtan oǵan elimizdiń túkpir-túkpirindegi jastardyń qatysýǵa tolyq múmkindigi bar.
