«Tolqynǵa» toıtarys beriledi

– Statıstıka boıynsha Qaraǵandy oblysynda aýyrǵandar sany táýligine 15-20 adamnan aspaıdy. Iаǵnı ınfeksııa taralýynyń ortasha kórsetkishi 1,11%-dy quraıdy. Stasıonarlardaǵy tósekterdiń toltyrylýy 4%-dan aspaıdy. Degenmen biz búkil álem boıynsha jaǵ­daıdyń alańdatarlyq ekenin kórip otyr­ǵandyqtan, ınfeksııanyń taralýyn boldyrmaý jáne aldyn alý boıynsha barlyq qajetti sharany qabyldaımyz, – dedi ákim.

Qazirgi tańda óńirde jedel vırýso­lo­gııa­lyq zertteýge aıryqsha kóńil bólin­gen. Búgingi tańda oblysta jalpy qýat­ty­­lyǵy táýligine 8 myń zertteýge deıin jete­tin 7 birdeı PTR-zerthana jumys is­tep tur.

Naýqas adamdy múmkindiginshe erterek anyqtaý, ony oqshaýlaý jáne úıde sa­paly emdeý úshin alǵashqy me­dı­sı­na­lyq kómekti kúsheıtpese bolmaıdy. Oblys basshysy bul baǵytta jumystyń qarqyn alǵanyn aıtty. Mysaly, búginde óńir­de 288 mobıldi emhanalyq brıgada jumys isteıdi. Qosymsha 122 jeńil avto­kólik jáne 60 reanımobıl sa­typ alynǵan. Sonymen qatar jedel jár­dem­niń sanıtarlyq avtokólik par­ki jyl sońyna deıin tolyǵymen jańar­tyl­maqshy.

Budan bólek bıylǵy kóktemnen bas­tap stasıonarlardyń tósektik oryn qo­ry eki eseden asyp, 2 200-den 4 427 orynǵa deıin ulǵaıtylypty. Bul jer­de tur­ǵyn­dardy josparly emdeýge jat­qy­zý jáne emdeýdiń de qatar júre­ti­nin aıta ket­ken lázim.

Aıryqsha atap óterligi, oblys or­ta­­ly­^­ǵynan, iri qalalardan jyraqta orna­la­sqan eldi mekenderde jumys is­teý úshin qajetti qurylǵylarmen jab­dyq­talǵan 9 jyl­jymaly medı­sı­na­lyq keshen daıyn­dalǵan. Munyń ózi aýylda turatyn aǵa­ıyn úshin úlken kómek bolǵaly tur.

Brıfıngte oblys ákimi Jezqazǵan qala­synda 200 tósektik oryn jańa mo­dýl­di gospıtaldiń jumys isteı bas­ta­ǵanyn atap ótti. Jańa nysan kompıý­ter­lik tomografpen, sandyq rentgen apparatymen, medısınalyq gazdar júıesimen, ÝDZ, EKG, О́JJ jáne basqa da qajetti zamanaýı medısınalyq kerek-jaraq qu­ral­­darymen jabdyqtalǵan. Sonymen qatar sátin salsa, osy aptada Temirtaýda 250 oryndyq ınfeksııalyq stasıonar ashylady. Shahtınsk qalasynda juq­paly aýrýlar korpýsyn jóndeý de aıaq­ta­lyp qaldy. Jeltoqsan aıynda Abaı qa­lasynda ınfeksııalyq bólim­she­ni jáne Temirtaýda provızorlyq bólim­she­­ni jóndeý jumystary bitýi tıis dep jos­parlanǵan.

Sondaı-aq jaqynda Qaraǵandy me­dı­­sı­nalyq ýnıversıtetiniń kásiptik aýrý­lar ınstıtýty ǵımaratynda 150 oryndyq ınfeksııalyq-provızorlyq gospıtal ashyldy. Al jalpy alǵanda Qara­ǵandy oblysynda koronavırýs ınfeksııasyn emdeýge arnalǵan tósektik oryn sany 5,2 myńǵa deıin jetkizilmek.

Sonymen qatar aýrýhanalarǵa 223 ókpeni jasandy jeldetkish (О́JJ) apparaty, 2 500 ottegi konsentratory, 2 600 pýlsoksımetr, 40 sandyq rentgen sııaqty apparattar satyp alynypty. Ortalyqtandyrylǵan medısınalyq gaz berý júıesi 25 gospıtalde ornatylǵan.

Jeńis Qasymbek medısınalyq kadr má­se­­le­siniń de birte-birte sheshilip jat­qa­nyn tilge tıek etti. О́ńirlerge ju­mys isteýge kelgen medısına qyzmet­ker­le­ri­ne qyzmettik turǵyn úı beriledi. Bıyl 120 páter qamtamasyz etilse, kelesi jyly taǵy 400 páter da­ıyn bolady.

Aımaqta koronavırýs ınfeksııasyn anyqtaýǵa da jiti kóńil bólinedi. Qazirgi ýaqytta oblystaǵy PTR-zerthanalardyń jalpy qýattylyǵy táýligine 8 myń zertteýge jetedi. Taldaý nátıjelerin kútý ýaqyty bir táýlikten aspaıdy. Oblys boıynsha 18 kompıýterlik tomografııa kabıneti jumys isteıdi eken. Taǵy 4 kompıýterlik tomograf Shahtınsk, Bal­qash, Jezqazǵan jáne Sátbaev qala­la­rynda jańadan ornatylǵan.

Osy aıdyń sońyna taman Balqash qalasynda PTR-zerthanasyn ashý jos­parda bar. Al Jezqazǵan qalasynda osyndaı medısınalyq mekemeniń ótkizý qa­bileti ulǵaıtylady. Osylaısha bar­lyq zerthananyń jalpy qýaty táýli­gi­ne 10 myńnan asa testini quraıdy.

Ekinshi tolqynnyń ekpinin basý úshin dári-dármek qorynyń mol bolmaǵy asa qajet-aq. О́ńir basshysy bul baǵytta ju­mystyń tııanaqty túrde júrgizilip jatqanyn aıtty. Iаǵnı emhanalar men aýrýhanalardy qajetti preparattarmen qamtamasyz etýge basa mán berilýde.

– Aýrýhanalar, emhanalar men dári­ha­­nalar úshin qajetti dári-dármek qoryn tolyqtyrdyq. «SQ – Farmasııamen» preparattardyń qosymsha mólsherine ótinimder jasaldy. Qazir dári-dármektiń úsh aıǵa jetetindeı qory bar. Onyń ishinde dıspanserlik esepte turǵan bar­lyq pasıentter qajetti dári-dármek qo­ryn qańtar aıyn qosqanda úsh aıǵa alatyn bolady, – dedi óńir basshysy.

Aldaǵy ýaqytta dárihanalarda satý úshin qol­jetimdi baǵamen qosymsha «Azıt­­romısın», «Deksametazon», «Ibý­p­rofen», «Levofloksasın», «Nadro­pa­rın», «Rıvaroksaban», «Sef­trıak­son» sııaqty preparattar sa­typ alynady. Munyń ózi syrqat­ta­ný­shylyq maýsy­my joǵarylaǵan kezde dári-dármek tapshy­ly­ǵyna boldyrmaýǵa múm­kin­dik beredi.

Jalpy, oblysta 1 mlrd teńgege dári-dármektiń turaqtandyrý qory qurylǵan eken. 80 myń qaptama vırýsqa qarsy preparattar, 100 qaptama ystyqty túsi­retin, 200 myń qaptama bakterııaǵa qarsy preparattar satyp alynǵan. Dári-dármek­tiń bul kólemi bólshek dárihana jelisinde satýǵa arnalǵan.

Brıfıngtiń sońynda oblys ákimi turǵyndardy bosańsymaı, sanı­tarııa erejelerin qatań saqtap júrýge sha­qyrdy. «О́zderińiz ben jaqyn­da­ry­ńyzdyń densaýlyǵyna jaýap­ker­shilik­pen qaraǵandaryńyzdyń ózi dáriger­ler qa­ýymyna kórsetken myqty qol­daý­la­ry­ńyz», dedi Jeńis Qasymbek.

QARAǴANDY