Otyrysta baıandama jasaǵan Indýstrııa jáne ınfraqurylymdyq damý mınıstri Beıbit Atamqulov búgingi tańda ekonomıkanyń ósýi baıaýlasa da, óńdeý ónerkásibi ósimniń negizgi draıveri bolyp otyrǵanyn atap ótti.
2020 jyldyń 10 aıynyń qorytyndysynda óńdeý ónerkásibindegi óndiris 3,2%-ǵa ósti. Mınıstrdiń aıtýynsha, óńdeýshi salanyń barlyq sektorynda oń dınamıka baıqalady. Mashına jasaý salasynda bıyl 10 aıda turaqty ósim saqtaldy.
Esepti kezeńde salanyń naqty kólem ındeksi 116,5% qurady. Avtokólik quraldary, treılerler jáne jartylaı tirkemeler 53,6%, ózge kólik quraldaryn jasaý 87,1%, elektr jabdyqtaryn jasaý 3%, mashınalar men jabdyqtar óndirisi 4,3% ósti. Tústi metallýrgııada óndiris kólemi 1,9%-ǵa artty. Oǵan tazartylǵan altyn 6,4%, raffınırlengen mys 8%, quıma altyn óndirý 35%, túıirshikterdegi kúmis 25%, bastapqy alıýmınıı 1% jáne basqa da kórsetkishterdiń ósýi arqyly qol jetkizildi.
Qara metallýrgııada ósim 0,3% boldy. Armatýra ılemi 11%, ferro-sılıko-marganes 13%, armatýralar, sharlar jáne domalaq shybyqtardyń taýar óndirisi 3% ósti. B. Atamqulov atap ótkendeı, jańa jaǵdaıǵa beıimdelip, jańa óndiristerdi jolǵa qoıý arqyly óndiris qýatyn arttyrý farmasevtıka ónerkásibinde 39,7% ósýge qol jetkizýge múmkindik berdi. Jeńil ónerkásipte óndiris 16,4% ósti, ol toqyma buıymdary óndirisiniń 4,4%, kıimniń 1,4% jáne bylǵary ónimderdiń 160,3% ulǵaıýy esebinen múmkin boldy. Qaǵaz jáne qaǵaz ónimderinde óndiris kóleminiń ósimi 15% qurady. Aǵash jáne tyǵyn buıymdarynyń óndiris kólemi 52,6% qamtamasyz etildi.
Kólik salasynda naqty kólem ındeksi 2020 jyldyń 10 aıynda 82,7% qurady.
"Pandemııanyń kólik salasyna teris áserine qaramastan, onyń jekelegen baǵyttarynda ósim baıqaldy", — dedi B. Atamqulov.
Konteınerlerdiń tranzıttik tasymaly ótken jyldyń osy kezeńimen salystyrǵanda 35,4%-ǵa artyp, 718 myń jıyrma fýnttyq balamany qurady. Kóliktiń barlyq túrimen júk tasymaldaý kólemi 3,2 mlrd tonnany qurady. 2020 jyldyń qazan aıynda tasymaldanǵan jolaýshylar sany qyrkúıek aıymen salystyrǵanda 15,5%-ǵa ósti.
Áýe tasymaly arqyly jolaýshylar tasymaldaý 1,6%-ǵa artyp, 621 myń adamdy qurady. Qytaı-Eýropa-Qytaı baǵytynda konteınerlik tasymaldar 10%-ǵa nemese 5,1 jıyrma fýnttyq balamaǵa artyp, 55,9 jıyrma fýnttyq balamaǵa jetti. Júk tasymaly salasynda da ósim bar. Atap aıtqanda, qazan aıynda júk tasymalynyń jalpy kólemi 2020 jylǵy qyrkúıekpen salystyrǵanda 3,4%-ǵa ósti. Qurylys salasynda naqty kólem ındeksi 2020 jyldyń 10 aıynda 110,7% qurady.
15 óńirde oń dınamıka baıqalady. Turǵyn úı qurylysynda bıylǵy 10 aıdyń qorytyndysynda 10 mln 744 myń sharshy metr baspana salyndy, bul ótken jyldyń osyndaı kezeńimen salystyrǵanda 109,7% quraıdy. Búginge tańǵa respýblıka boıynsha barlyǵy 94 myń 737 baspana paıdalanýǵa berildi. О́tken jylmen salystyrǵanda turǵyn úıdi paıdalanýǵa berý kóleminiń 15 óńirde artqany baıqalady.
"Mınıstrlik 2020 jylǵa qoıylǵan mindetterdi oryndaý úshin resessııasynyń taralýyn tejeý jáne barynsha zardap shekken salalardaǵy jaǵdaıdy turaqtandyrý úshin qajetti barlyq sharany qabyldap jatyr. Jyl qorytyndysynda josparly kórsetkishterge qol jetkizemiz", — dep túıindedi B. Atamqulov.
