Jobany úılestirýshi professor U.M.Esenbekovanyń jetekshiligimen uıymdastyrylǵan dekada bilim alýshylar men «Habar» telejýrnalısteriniń kóńilinen shyǵyp, jaqsy baǵalanǵan edi. Osy tájirıbeniń jalǵasy retinde Jýrnalıstıka jáne saıasattaný fakýltetinde professor U.M.Esenbekovanyń basshylyǵymen arnaıy komıssııa qurylyp, «Qazaqstan» ulttyq telearnasynyń tanymal jýrnalısterimen sheberlik synyby uıymdastyryldy.
2-10 qarasha aralyǵynda elimizdiń irgeli oqý oryny L.N.Gýmılev atyndaǵy EUÝ-diń jýrnalıst mamandyǵy boıynsha bilim alýshy stýdentter men magıstranttar úshin mazmundy is-shara ótkizilýde. Ulttyq arna mamandary bolashaq jýrnalısterdi jańa dáýir televızııasynyń ishki qurylymymen, shyǵarmashylyq prosestermen tanystyrýda.
Jýrnalıstıka jáne saıasattaný fakýltetiniń dekany Saq Qaırat О́mirbaıuly alǵy sózinde stýdentter, magıstranttar men «Qazaqstan» ulttyq telearnasynyń jýrnalısterine alǵysyn, tilekterin bildirdi. Ýnıversıtet qabyrǵasynda myqty mamandardy daıarlaýdyń mańyzy men teorııalyq jáne praktıkalyq sabaqtardy ushtastyrýdyń qajettiligin de atap ótti. Onlaın formatqa qaramastan osyndaı bastamalardyń bilim alýshylar úshin paıdaly bolatynyna senim bildirdi. Bul jıyn onlaın formattyń da tıimdi bolatynyn jáne qazirgi qıyndyqqa qaramastan bilim sapasyn ósirýde barlyq tehnologııalyq múmkindikterdi Jýrnalıstıka jáne saıasattaný fakýlteti erkin ári utymdy paıdalanyp jatqandyǵyn erekshe qýanyshpen bólisti.
Onlaın sheberlik synybynyń alǵashqy konferensııasyn Ulttyq telearnanyń aqparattyq-saraptamalyq baǵdarlamalar dıreksııasy dırektorynyń orynbasary Qaırat Musaqulov júrgizdi. Belgili jýrnalıst telearnanyń aqparattyq-saraptamalyq qyzmeti týraly áńgimelep berdi. Qyzyǵy men qıyndyǵy qatar júretin qyzmettiń qyr-syrymen bolashaq mamandardy tanystyrdy. Sonymen qatar, jańalyqtar qyzmetindegi basshylyq, oǵan jetý úshin jýrnalıstke qajet bilim men adamı qasıetterdiń mańyzyn jastarǵa túsindirip, búgingi mamandarǵa qoıylatyn basty talaptarǵa da toqtaldy.
Sheberlik synybynyń kelesi konferensııalarynda Ulttyq telearna arqyly tanylyp júrgen Qymbat Dosjan, Gúlnaz Álimgereı sııaqty bilikti telejúrgizýshiler óz tájirıbelerimen bólisti. Birneshe jyl qatarynan osy telearnanyń jańalyqtar men mádenı-tanymdyq baǵyttaǵy jobalarynda tájirıbe jınaǵan mamandardyń stýdentter men magıstranttarǵa aıtary da kóp boldy. Ulttyq telearna aýdıtorııasyna tájirıbeli telejúrgizýshilermen qatar tanylyp júrgen Nartaı Aralbaıuly, Ǵalymjan Keńshilik syndy jas júrgizýshiler de onlaın konferensııalarda jýrnalıstik qyzmettiń búgingi erekshelikterimen bólisti.
Telearnadaǵy qyzmet telejúrgizýshi nemese jýrnalıst, redaktor mamandarmen shektelip qalmaıtyny belgili. Búgingi televızııa úlken ujymnyń birlesken jumysynyń nátıjesi. Ondaı qyzmet ıelerine prodıýser, rejıssıor, operator men vıdeoınjener syndy mamandardy jatqyzamyz. Ulttyq arnanyń bilikti prodıýseri Aıgúl Myńjasar men tájirıbeli qoıýshy-rejısser Gúlmıra Muqanovalar da ózderi atqaratyn jumystarmen tanystyrdy. Kásibı telejýrnalısterdiń bergen aqparattary BAQ salasynda jumys isteýge talpynǵan árbir bolashaq maman úshin óte qundy dep sanaımyz.
«Qazaqstan»Ulttyq telearnasynyń jýrnalısteri sheberlik synybyn mazmundy jáne qyzyqty etip ótkizýge kóńil bólip, jastarǵa televızııa qupııasynyń ár qyrynan úńilýge kómektesti. Stýdentter men magıstranttar ózderiniń saýaldaryna tolymdy jaýaptar aldy.
Mártebesi ulttyq dep anyqtalǵan telearnanyń bedeldi jýrnalısterine aınalyp, basshylyq qyzmetterge qol jetkizgen tulǵalardyń búgingi arman qýǵan stýdent pen magıstrant qaýymyna beretin ónegesi de az bolmaýǵa tıis. Onlaın kezdesýlerde jýrnalısterdiń kásibı deńgeıinen basqa ulttyq qundylyqtardy boıyna sińirýi, úlgili moraldyq qasıetterdiń ıesi bolýy da aıtyldy. Kemshilikterge boı aldyrmaý týraly keńester berildi. Tájirıbeli, tanymal jýrnalısterden estigen aqyl-keńesterdi bolashaq mamandar ózderiniń qyzmeti barysynda qoldana otyryp, áreket etetinderi anyq. Konferensııanyń árbir dárisin jastardyń zor yntamen tyńdaýy da sonyń dáleli.
Onlaın konferensııalar Jýrnalıstıka jáne saıasattaný fakýltetiniń professorlar qaýymyn, bilim alýshylar men «Qazaqstan» Ulttyq telearnasynyń kásibı mamandaryn bir maqsatqa toǵystyrdy. Sheberlik synybyn uıymdastyrýda L.N.Gýmılev atyndaǵy EUÝ-diń Teleradıo jáne qoǵammen baılanys kafedrasy ujymnyń da úlesi zor boldy. Kafedra meńgerýshisi Serikzat Maqsutuly Dúısenǵazy bastaǵan professorlar men oqytýshylar qaýymy stýdentter men magıstranttardyń qundy bilim jınap, bilikti maman bolýy úshin osyndaı kezdesýlerdi josparly túrde uıymdastyryp keledi.
Jýrnalıstıka mamandyǵyn ıgerip júrgen stýdentter, magıstranttar men doktoranttar úshin osyndaı sheberlik sabaqtardyń paıdasy óte kóp. О́nege alarlyq ustazdary bar búgingi bilim alýshylardyń ultqa qyzmet etýin, talabynyń bıik, biliktiligi men óresiniń joǵary bolǵanyn tileıik.
