«Halqymyz derbestikpen birge dástúrli mádenıetine, tili men dinine tolyqqandy ıe bolyp, olardy zamanǵa saı damytýǵa múmkindik aldy. О́shkenimiz janyp, umytqanymyz jadymyzda jańǵyrdy. Munyń barlyǵy Qazaq eliniń ustanǵan baǵyt-baǵdarynyń durystyǵyn, ata-baba jolynan aınymaǵanyn bildiredi» – Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyulynyń dinı basqarmanyń saraptaý komıssııasynyń maquldaýymen shyǵarylǵan «Din men Dástúr» atty jınaqqa jazǵan alǵy sózinde osylaı delingen.
«Halqymyz derbestikpen birge dástúrli mádenıetine, tili men dinine tolyqqandy ıe bolyp, olardy zamanǵa saı damytýǵa múmkindik aldy. О́shkenimiz janyp, umytqanymyz jadymyzda jańǵyrdy. Munyń barlyǵy Qazaq eliniń ustanǵan baǵyt-baǵdarynyń durystyǵyn, ata-baba jolynan aınymaǵanyn bildiredi» – Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyulynyń dinı basqarmanyń saraptaý komıssııasynyń maquldaýymen shyǵarylǵan «Din men Dástúr» atty jınaqqa jazǵan alǵy sózinde osylaı delingen.
Kitapta dástúr týraly túsinik, dástúrdiń dindegi orny, qazaq halqynyń ımanı dástúrleri, basqa da jaılar jóninde jan-jaqty maǵlumat berilgen. Qazaq maqal-mátelderiniń Muhammed paıǵambarymyzdyń (s.ǵ.s.) hadısterimen úndes ekendigine naqty aıǵaqtar nazar aýdararlyq. Munyń ózi halqymyzdyń salt-sanasy, tanym-túsinigi Islam qaǵıdattarynan bastaý alatynyn dáleldeıdi.
Keshe Astanadaǵy «Áziret Sultan» meshitinde atalǵan kitaptyń tanystyrylymy ótti. Bas redaktorlar klýbynyń prezıdenti Kenjebolat Joldybaı tanystyrylymda sóılegen kirispesózinde jýrnalıster qaýymynyń Qazaqstan musylmandary dinı basqarmasynyń jumysyna dáıim qoldaý bildirip otyratynyn, aldaǵy kezde de bul iste qordalanyp qalǵan máselelerge tıisinshe kóńil bólinetinin aıtyp ótti. Bas múftı Erjan qajy Malǵajyuly din salasynda tyndyrylǵan sharýalarmen qatar, alańdatarlyq ahýal da bar ekendigin ashyq áńgimelep, ortaq sharýaǵa jýrnalıster qosa alar úles jónindegi oılaryn ortaǵa saldy, kóptegen suraqtarǵa jaýap berdi.
Bul ujymdyq eńbek – «Din men Dástúr» jınaǵynyń 1-kitaby. Aldaǵy kezde osy ıgilikti is jalǵasyn tappaq.
«Egemen-aqparat».
