Memleket basshysy Nursultan Nazarbaev «Astanabasjospar» ǵylymı-zertteý jobalaý ınstıtýtynda» boldy. Elbasy qazirgi ýaqytta belsendi kóshi-qon úderisi esebinen elorda turǵyndary 900 myń adamǵa jaqyndap qalǵanyn atap ótti, dep habarlady Prezıdenttiń baspasóz qyzmeti.
Memleket basshysy Nursultan Nazarbaev «Astanabasjospar» ǵylymı-zertteý jobalaý ınstıtýtynda» boldy. Elbasy qazirgi ýaqytta belsendi kóshi-qon úderisi esebinen elorda turǵyndary 900 myń adamǵa jaqyndap qalǵanyn atap ótti, dep habarlady Prezıdenttiń baspasóz qyzmeti.
– Búgingi kúni elordany aýqymdy keńeıtip, halqynyń sanyn 2-3 mln. turǵynǵa jetkizý jobalary joq. Bul úshin kóp nárse – kommýnıkasııalar, sýmen jabdyqtaý jáne ózge de ınfraqurylymdar jetkiliksiz. Sondyqtan birneshe máseleni sheshetin kez keldi. Mysaly, qala syrtynda jeke adamdar kezinde arzan baǵamen satyp alǵan alańdar áli kúnge deıin kóp. Qazir olar ol jerlerdi keıin qurylys salý kezinde satyp jiberip, memleket esebinen «jeńil jolmen» aqsha tabý úshin ustap otyr. Men ol jerlerdi qaıtaryp alyp, memlekettik maqsattarda paıdalaný úshin tekserýdi jalǵastyrýdy prokýratýraǵa arnaıy tapsyramyn. Biz olardyń ıeleri kimder ekenin biletin bolamyz jáne dárejesine, laýazymyna, kim ekendigine qaramastan, jer telimderi memleketke qaıtarylatyn bolady, – dedi Qazaqstan Prezıdenti.
Memleket basshysy qala turǵyndarynyń áleýmettik jaǵdaıyn odan ári jaqsartý jáne elordanyń ınfraqurylymdaryn damytý sharalaryn qabyldaý qajettigine toqtaldy.
– Kásiporyndar, sondaı-aq, ulttyq kompanııalar mektepke deıingi mekemeler men basqa da áleýmettik mańyzy bar nysandardy ózderi turǵyza alady. Bul máseleni biz arnaıy qaraıtyn bolamyz. Budan bólek, EKSPO-2017 halyqaralyq kórmesi qarsańynda alǵashqy jyldary asyǵys salynǵan úılerdiń qasbetin jaqsartýdy jalǵastyrý qajet. Sonymen qatar, jeńil relsti kólikti iske qosý arqyly kólik problemalaryn jáne joǵary jyldamdyqtaǵy avtobýs baǵdarlary úshin jolaqtarǵa bólý máselesin der kezinde sheshken jón, – dedi Nursultan Nazarbaev.
Sondaı-aq, Qazaqstan Prezıdenti adamdar elordaǵa kelgen bette turǵyn úı, mektepke deıingi mekemelerden oryn jáne t.b. alýǵa birden ótinish berip jatatynyn, ondaıda jaǵdaıdy qıyndatpas úshin turǵyn úı berý kezegine qoıý týraly máseleni qarastyrý qajettigin aıtty.
– Buǵan deıin aıtqanymdaı, ondaı múmkindikter joq jáne biz elorda aıasyn sheksiz keńeıte almaımyz. Astana – elimizdiń ákimshilik ortalyǵy. Ol turatyndar úshin yqsham ári jaıly, qolaıly bolýǵa tıis. Ol qalypty damý ústinde. Biz salynatyn qurylystar perspektıvasyn zertteýdi jalǵastyrýymyz jáne elordaǵa kóship kelgende birden páter nemese úı beriledi dep úmittendirmeýimiz kerek. Barlyq osy problemalyq máseleniń tolǵaǵy jetti. Men muqııat daıyndalyp, arnaıy keńes ótkizýdi tapsyramyn, – dedi Memleket basshysy.
Buǵan qosa, Nursultan Nazarbaev elorda mańynda jáne qala ishinde «jasyl beldeý» aıasyn ulǵaıtý jumystaryn jalǵastyrýdy tapsyrdy.
Astana qalasynyń ákimi Imanǵalı Tasmaǵambetov Qazaqstan Prezıdentine elorda arhıtektýrasy men qala qurylysy salasynda júrgizilip jatqan jumys jóninde baıandap, qala qurylysy týraly jobalyq usynystardy qaraýǵa usyndy, sondaı-aq, qabyldanǵan jobalardyń iske asyrylý barysy jaıynda habardar etti.
Sońynan Memleket basshysy qaralǵan máseleler jóninde tıisti memlekettik organdarǵa birqatar naqty tapsyrmalar berdi.
Sýretti túsirgender
S.BONDARENKO, B.OTARBAEV.
