Ulttyq Olımpıada komıtetiniń resmı saıtyna bergen suhbatynda bas bapker álem birinshiligine qatysýǵa ruqsat berilgen jaǵdaıda ulttyq quramanyń bul synǵa tas-túıin daıyn ekenin aıtqan. «Qazirgi tańda ulttyq qurama músheleri Almaty oblysy, Eńbekshiqazaq aýdanyndaǵy Olımpıadalyq daıarlaý ortalyǵynda oqý-jattyǵý jıynyna qatysyp jatyr. El birinshiligine ulttyq qurama sapyndaǵy barlyq sportshy qatysady. Atap aıtqanda, óz salmaq dárejesinde halyqaralyq arenada el namysyn qorǵap júrgen úzdik balýandardyń barlyǵy Almaty bozkilemine shyǵady. Qazaqstan chempıonaty – aldaǵy maýsymǵa ulttyq quramany jasaqtaýǵa taptyrmas doda», deıdi B.Baıseıitov.
