Birinshi aınalymdaǵy 8 oıynnyń altaýynda jeńiske jetip, ekeýinde teń túsken «Atyraý» fýtzal klýby 20 upaımen kósh bastady. Al byltyrǵy el chempıonatynda bas júldeni oljalaǵan Almatynyń «Qaıraty» 19 upaımen ekinshi orynda tur. Úzdik úshtikti 17 upaıy bar «Aqtóbe» ujymy túıindedi.
El chempıonatynyń ekinshi aınalymyndaǵy 8 oıyny Qostanaı oblysynyń Rýdnyı qalasynda uıymdastyrylady. Oıyndar 18 qarasha jáne 1 jeltoqsan aralyǵyna josparlanǵan. Úshinshi jáne tórtinshi aınalymnyń kúntizbesi keıin anyqtalady. Sondaı-aq pleı-off kezeńiniń de oıyndary qosymsha habarlanady. Aıta keteıik, bıylǵy fýtzaldan Qazaqstan chempıonatynda toǵyz komanda baq synap jatyr.
