"Ol jigit baǵdarlamashy bolýdy armandap, bizdiń elimizdegi myqty sarapshylardan bilim alýǵa keldi. Endi onyń ornyna úıine súıegin apara jatyr. Bul sumdyq qoı!", - deıdi narazylyq aksııasyn uıymdastyrýshy Mıhal Volnyı.
Mıtıngige shyqqandar ańshylardyń quqyǵyn shekteýdi, olarǵa únemi tekseris júrgizip, turǵyn úılerdiń mańynda qarý qoldanýǵa tyıym salýdy talap etti.
"Baqylaýsyz áreket etip júrgenderin kórip otyrsyzdar. Qalaǵanyn isteıdi, adamdardy óltiredi! Imanálıdiń basynan ótken qaıǵyly jaǵdaı eshqashan qaıtalanbaǵanyn qalaımyz", - dedi belsendi.
Eske salaıyq, 16 jastaǵy qazaqstandyqty atyp óltirgen ańshy stýdentti qaban dep oılap qalǵanyn aıtqan. Ol 8 jylǵa sottalýy múmkin. Ekinshi adam jábirlenýshige der kezinde kómektespegeni úshin kúdikke ilingen. Ol 5 jylǵa sottalýy múmkin.
Polsha ańshylar qaýymdastyǵynyń ókilderi kúdikti qylmys jasaǵan kezde ańshylyqpen emes, brakonerlikpen aınalysqanyn málimdedi.
