Onyń aıtýynsha, halyq áýe bıletterin temirjol bıletiniń qunymen satyp ala bastady. Osylaısha, 21 maýsymnan bastap elimizdiń tuńǵysh otandyq loýkosteri – "FlyArystan" áýe kompanııasy Aqtaýǵa Shymkent, Almaty, Nur-Sultan, Atyraý, Aqtóbe men Oral qalalarynan 4999 teńgeden bastap sata bastady. Atalǵan loýkoster birneshe aı ishinde Kaspıı óńiriniń 140 myńdaı jolaýshysyna óz qyzmetin usyndy. Keleshekte baǵyttardyń sany kóbeıgen saıyn, usynylatyn qyzmetterdiń sany da artady.
Qazirgi tańda turaqty reısterdi "Airbus A 320" áýe laınerleri oryndap júr. Loýkoster flotynda olardyń sany 7 bolsa, onyń ekeýi Atyraýdan batys qalalardy ózara baılanystyrady. Ushaqtar ekonom-klassty 180 oryndyqpen jabdyqtalǵan. Olardy 10 jyldyq tájirıbesi bar kásibı ushqyshtar júrgizedi.
"Elimizdiń loýkosteri – otandyq áýe kompanııanyń enshiles kompanııasy bolǵandyqtan, "FlyArystan" qaýipsizdik standarttaryna asa joǵary kóńil bóledi jáne "Air Astana" kompanııasynyń ınjenerlik tobynyń qyzmetterine júginedi. Qoljetimdi ári joǵary sapaly qyzmetterdi usyna otyryp, bıýdjettik kompanııa bıletterdi erterek flyarystan.com saıtynda nemese kompanııanyń mobıldi qosymshasynda brondaýǵa keńes beredi. Sebebi satylym 2021 jyldyń 27 naýryzyna deıingi saparlarǵa ashyq. Sondyqtan meıram jáne demalys kúnderge arzan bıletter taýsylýy múmkin. Sondaı-aq mınımaldy baǵa qunyna áýe sapar men 5 kg qoljúgi ǵana kiretinin eskertemiz. Barlyq qosymsha qyzmetterdi jolaýshylar bólek satyp alýlary qajet", dedi Lázzat Nabıeva.
Mańǵystaý oblysy
