Mysaly, Túrkistan qalasynda partııa fılıalynyń tóraǵasy Rashıd Abatulynyń tóraǵalyǵymen ótken konferensııanyń kún tártibinde partııanyń saılaýaldy baǵdarlamasyn bekitý, pikirsaıys qorytyndylary boıynsha kandıdattar úshin daýys berý, partııalyq tizimdi bekitý jáne atalǵan konferensııaǵa partııa qyzmetkerleri, saıası keńes jáne bastaýysh partııa uıymdary usynǵan delegattar tizimin bekitý qaraldy.
Úmitkerler pikirtalas barysynda óz baǵdarlamalaryn baıandaı otyryp, suraqtarǵa jaýap berdi. Odan keıin arnaıy bólmede araqashyqtyqty saqtaı daýys berý múmkindigi usynyldy. Bıylǵy praımerız kóptegen ózgeristerge bastaý boldy. Endi aldaǵy ýaqytta jergilikti máslıhattar, sonyń ishinde Túrkistan qalasynyń máslıhat quramy da keminde 60-70 paıyzǵa jańarady degen boljam bar. Konferensııa sońynda Túrkistan qalasynyń ákimi, Nur Otan partııasy qalalyq fılıalynyń tóraǵasy Rashıd Aıýpov 2018-2020 jyldary atqarylǵan jumys pen jańalyqtar kóp bolǵanyn atap ótti.
Sondaı-aq Keles aýdanynda partııa fılıalynyń kezekten tys VII konferensııasy ótti. Oblystyq partııalyq kandıdattar tizimine úmitkerler arasynda ótken ashyq qoǵamdyq pikirsaıystyń birinshi kezeńinde aýdandaǵy problemalardy sheshý týraly usynystar aıtylsa, ekinshi kezeńde kandıdattar "Suraq-jaýap" formatynda pikirtalas ótkizdi. Pikirsaıystan keıin konferensııa delegattary "Praımerız" aqparattyq júıesi arqyly daýys berip, óz tańdaýlaryn jasady. Bekitilgen tizimderden depýtattyq korpýstyń jańarǵanyn ańǵarýǵa bolady. Sondaı-aq praımerız erejesine saı áıelder qaýymy men jastardyń da úles salmaǵy teń qarastyrylǵan.
Túrkistan oblysy
