Memleket basshylary Qazaqstan men Reseı arasyndaǵy yntymaqtastyqtyń ózekti máselelerin talqylady. Sonymen qatar, Prezıdentter eki eldiń halyqaralyq uıymdar men ıntegrasııalyq birlestikter sheńberindegi ózara yqpaldastyǵy týraly pikir almasty.
Taýly Qarabaqtaǵy qalyptasqan jaǵdaıǵa erekshe nazar aýdaryldy.
Qasym-Jomart Toqaev Ázerbaıjan men Armenııanyń qaqtyǵys aımaǵyndaǵy soǵysty jáne barlyq áskerı qımyldardy toqtaý týraly kelisimge kelýinde Reseıdiń, sonyń ishinde, Vladımır Pýtınniń araaǵaıyndyq qyzmetin joǵary baǵalady.
– Reseıdiń belsendi aralasýymen osyǵan deıingi uzaq jyldarǵa sozylǵan qaqtyǵystardyń bir bitimge kelýin qamtamasyz etetin Taýly Qarabaqtaǵy soǵysty toqtatý týraly jasalǵan kelisimniń mańyzy zor. Múddeli taraptar Birlesken málimdemeniń sharttaryn saqtaıdy dep úmittenemin, – dedi Qasym-Jomart Toqaev.
Eki eldiń Prezıdentteri Qazaqstan men Reseı arasyndaǵy strategııalyq jáne odaqtastyq sıpatyndaǵy baılanystardy naqtylady.
