Qazaqstan halqy táýelsizdik jyldarynda Elbasynyń strategııalyq basshylyǵymen ǵasyrǵa bergisiz joldan ótti.
Álem kartasynda Táýelsiz Qazaqstan qarqyndy naryqtyq ekonomıkasy bar, demokratııalyq qoǵamdyq qurylymy qalyptasqan jáne halyqaralyq zor bedelge ıe egemen memleket retinde ornyqty.
Qazaq halqy óziniń baıyrǵy jeriniń shynaıy ıesi retinde aınalasyna 100-den astam etnosty shoǵyrlandyryp, azamattyq tatýlyq pen etnosaralyq kelisimniń tiregine, dinaralyq dıalogtyń halyqaralyq minberine aınaldy.
Qoǵamdyq kelisim men jalpyulttyq birliktiń qazaqstandyq modeli – Nursultan Nazarbaevtyń úlgisi retinde álemdik deńgeıde tanyldy.
Qazaqstandy jańǵyrtýdyń kúrdeli jáne serpindi úrdisi, geosaıası shıelenister men jahandyq ekonomıkalyq máseleler tarıh synaqtary aldyndaǵy jalpyulttyq birlikti nyǵaıtý jolynda jańa talaptar qoıýda.
Qazaqstan Prezıdenti Qasym-Jomart Toqaevtyń tapsyrmasy boıynsha qysqa ýaqyt ishinde etnosaralyq damý máseleleri boıynsha memlekettik basqarýdyń tutas salasy qalyptasty.
Memlekettik tildi etnosaralyq qatynas tili retinde bekitý, barsha etnostardy qazaq halqynyń aınalasyna toptastyrý baǵytyndaǵy jumystar tyń serpinmen jalǵasýda.
Barsha halyqty biriktirgen «Biz birgemiz!» jalpyulttyq aksııasy ýaqyt synyna jaýap berýdiń jarqyn mysaly boldy.
Árqashan osy qalpymyzdan aınymaýymyz kerek!
Biz Assambleıanyń barlyq múshelerin, tutas Qazaqstan halqyn beıbitshilik pen kelisimdi nyǵaıtý baǵytynda Elbasy salǵan sara joldan aınymaýǵa shaqyramyz.
Biz Memleket basshysynyń Qazaqstan halqyna Joldaýynyń jemisti iske asatynyna jáne aldaǵy reformalarǵa jalpyulttyq qoldaý bolatynyna nyq senimdimiz!
Biz turaqty tatýlyq, qoǵamdyq kelisim men halyq birligi – elimizdiń berik irgetasy jáne onyń qarqyndy damýynyń kepili boldy jáne bola beredi dep tujyrymdaımyz.
Azamattardyń ál-aýqaty artyp, bizdiń ortaq Otanymyz – Qazaqstan Respýblıkasy órkendep, damı bersin!
Qazaqstan halqy Assambleıasynyń Keńesi
Nur-Sultan q., 2020 jyl, 11 qarasha
