Megapolıs medısınasynyń áleýeti

Medısınalyq qyzmetterge ózgeris engizdi

Nur-Sultan qalasynyń Qoǵamdyq densaýlyq saqtaý basqarmasynyń basshysy Tımýr Muratov osy jyldyń 1 qań­tarynan bastap qalanyń medısınalyq uıym­dary mindetti áleýmettik medısına­lyq saq­tandyrý júıesinde jumys isteı bas­taǵanyn atap ótti.

«2020 jylǵa mindetti áleýmettik medısı­nalyq saqtandyrý qory qyzmet­terdi satyp alý úshin 100 densaýlyq saqtaý sýbektilerimen shart jasasqan. Onyń ishinde 32 medısınalyq uıym – memlekettik menshik nysanynda, bul 32 paıyzdy quraıdy. Al qalǵan 68 pa­­ıyzy – jeke medısınalyq uıym­dar. 100 medısınalyq uıymnyń ishin­de ambýlatorııalyq-emhanalyq qyz­metterdi 35 nysan, konsýltatıvtik-dıag­nostıkalyq qyzmetterdi 44 nysan kórsetedi. 2020 jyly ambýlatorııalyq-emhanalyq uıymdardyń sany – 35, onyń ishinde 280 myń adamdy tirkeýmen aınalysatyn 16 memlekettik jáne 19 jekemenshik (54%) uıym bar. Tegin medısınalyq kómektiń kepildik berilgen kóleminde jáne mindetti áleýmettik me­dısınalyq saqtandyrý sheńberinde me­dısınalyq kómek kórsetýge qalanyń me­dısınalyq uıymdaryna 166 mlrd teńge bólindi. Qarjylandyrý somasy 55 paıyz ulǵaıtyldy. Onyń ishinde stasıonarlyq kómekti qarjylandyrý 46 paıyzǵa, sta­sıonardy almastyratyn kómek 53 paıyzǵa artty. Áleýmettik medısınalyq saq­tandyrý jobasy sheńberinde qalpyna keltirý emi men medısınalyq ońaltýǵa qala turǵyndaryna 3,1 mlrd teńge (2019 jyly – 8 mln teńge) somasynda qyzmet kórsetý josparlanǵan», dedi basqarma basshysy.

Sonymen qatar T.Muratov bıyl medısına úshin qıyn bolǵanyn jet­kizip, indet saladaǵy kóptegen qyzmettiń jumysyna ózgerister engizgenin aıtty.

«Barlyq kúshter men resýrstar koronavırýs ınfeksııasymen kúresý­ge jumsaldy, árıne bul bizdiń negizgi jumy­symyzǵa áser etti. Bas sanıtarlyq dári­gerdiń qaý­ly­syna sáıkes alǵashqy medı­sınalyq-sanı­tarlyq kómek kór­setý uıymdary men stasıonarlarda josparly medısınalyq kómek kór­setý toqtatyldy. Áleýmettik medısı­nalyq saqtandyrý jobasy aıasynda qalanyń medısınalyq uıymdary 2020 jylǵy qańtar-qyrkúıek aılarynda aldyn ala tekserý, konsýltatıvtik-dıagnostıkalyq kómek, stasıonardy almastyratyn kómek, stasıonarlyq medısınalyq kómek, sondaı-aq joǵary tehnologııalyq medısınalyq qyzmetter, qalpyna keltirý emi jáne medısınalyq ońaltý qyzmetterin kórsetti. 1 qańtardan bastap KT jáne MRT, medısınalyq-gene­tıkalyq zertteýlerdi qosa alǵanda, qymbat turatyn zertteý túrleri, qymbat turatyn zerthanalyq qyzmetter alǵashqy medısınalyq kómek kórsetý dárigeriniń kórsetilimderi men joldamalary bo­ıyn­sha barlyq pasıentterge tegin kór­setiledi», dedi T.Muratov.

Nur-Sultan qalasy boıynsha elordada medısınalyq qyzmet kórsetýshiler tizimine engizilgen medısınalyq uıym­darda, respýblıkalyq jáne jekemenshik apparattardy qosa alǵanda, 19 KT jáne 19 MRT apparaty bar. Úshinshi toqsanda 9,13 memlekettik kásiporynnan úshin 2 KT apparaty satyp alynǵan.

Bıyl 1 qańtardan beri alǵashqy medı­sınalyq-sanıtarlyq kómek uıymdaryna tirkelgen azamattardyń jalpy sany 1 191 650 adamdy qurady. Halyqty aqpa­rattandyrý maqsatynda 100 myńnan asa adamdy qamtı otyryp, 35 myńnan asa kezdesý ótkizildi, buqaralyq aqparat qural­darynda, respýblıkalyq jáne qalalyq basylymdarda 357 materıal jarııalandy, áleýmettik jeliler betterinde jáne resmı saıttarda 10 myńnan asa materıal ornalastyryldy. Halyq arasynda taratylǵan baspa ónimderiniń sany 106 myńnan asady. Whatsapp arqyly jáne Smart Astana, Damu Med mobıldi qosymshalary arqyly 68 myńnan asa adam habarlandyrýlar alǵan. Medısınalyq uıymdarda, mádenı mekemelerde, halyqqa qyzmet kórsetý ortalyqtarynda, saýda ortalyqtarynda jáne jergilikti atqarýshy organdarda áleý­mettik medısınalyq saqtandyrý jo­basy týraly aqparattyq materıaldar ilindi. Sondaı-aq aýdıo jáne beıne rolıkter taratyldy.

Indetpen kúreste irkilis bolmaıdy

Indet irgemizge iz salǵaly eldiń kóbi úmit pen úreıdiń qushaǵynda júrgeni anyq. Bas shaharymyzdaǵy ahýal da alań­datarlyq.

Nur-Sultan qalasynyń Qoǵamdyq den­saýlyq saqtaý basqarmasynyń má­li­metinshe, búginde qalada indetke shal­dyqqandar sany 14 710 adamdy quraı­dy, onyń ishinde 14 069 adam nemese 96%-y jazylyp shyqqan. Qaza bolǵandar sany – 318 (2,2%). Al 119 adam stasıonar­lar­da em alýdy jalǵastyrýda. 114 adam ın­feksııalyq aýrýhanada, qal­ǵany ka­rantındik stasıonarda jatyr.

Búginde 1 020 oryndy quraıtyn 7 aýrýhana qyzmet kórsetedi. Onyń bese­ýi – ınfeksııalyq (320 tósek), ekeýi – karantındik (700 tósek, Ramada, KMO). Jedel járdem qyzmetine qala tur­ǵyndarynan táýligine 1 540 qońyraý túsýde. Shaqyrtýlar sany táýligine 1 111-di quraıdy. KVI-de bıomaterıaldardy jınaýǵa arnalǵan 15 zerthana bar. Zerthanalardyń jalpy qýaty táýligine 10 myńnan asa synaqty quraıdy. Qazirgi ýaqytta 544 myńnan asa zertteý júr­gizildi. Qalǵanynda shamamen 112 myń test bar. Bir saǵat ishinde zertteý júrgize alatyn 9 mobıldi shaǵyn zerthana sa­typ alyndy. Bular táýligine jalpy 1 440 test alýǵa qaýqarly.

5 qarashada 2 halyqaralyq reıs qa­byldanyp, 280 jolaýshy keldi. Onyń 275-i­ PTR-testten ótken sertıfıkatymen, 5-­ýi sertıfıkatsyz boldy. 6 qazan men 5 qa­­rasha aralyǵynda 153 reıs qondy. Bul sha­­mamen 18 myń jolaýshy. Onyń 3 028-i karantındik aýrýhanaǵa jatqy­zyldy. Me­dısınalyq uıymdardyń medı­sınalyq jabdyqtalýyna toqtalatyn bol­saq, stasıonarlarda ókpeni jasandy jeldetý 100% jabdyqtalǵan – 434 apparat, 19 KT, 27 rentgen apparaty, 500-den asa ottegi kon­sentraty, 1 584 ottegi núkteleri. Qosym­sha 3 ottegi rezervýary, 601 floýmetr, 500 kópsalaly medısınalyq kere–ýet, 2 jyljymaly rentgen kesheni jáne 6 rentgen apparat alyndy.

Koronavırýs ınfeksııasy boıyn­sha aýrýhana deńgeıindegi ahýalǵa toq­talatyn bolsaq, bul jospar medı­sı­nalyq mekemelerdi 3 ssenarıı boıynsha paıdalanýdy kózdeıdi. Optımıstik sse­narıı boıynsha juqpaly aýrýlar aýrýhanalarynyń júktemesi 500 tósek­ten asady (70%). 1 645 tósektik orynǵa ar­nal­ǵan 5 nysan tartylady. Shynaıy ssenarıı boıynsha juqpaly aýrýlar aýrýhanalarynyń júktemesi 1 100 tósek­ten asady (70%). 1 919 tósektik orynǵa arnal­ǵan qosymsha 12 nysan tartylady. Pes­sımıstik ssenarıı boıynsha juqpaly aýrý­lar aýrýhanalarynyń júktemesi 2 500 tósekten asady (70%). 2 090 tósektik orynǵa arnalǵan 7 nysan qosymsha tartylady (kereýetterdi tek qalalyq aýrý­hanalar men emhanalarda ǵana emes, sonymen qatar qonaqúı keshenderi men jataqhanalarda beıimdelgen bólmelerde ornalastyrý qarastyrylady).

Nur-Sultan qalasynyń Qoǵamdyq densaýlyq saqtaý basqarmasynyń basshysy T.Muratov medısına qyzmetkerlerine tólemaqy tóleý boıynsha málimet bere kelip, medısınalyq uıymdardyń qyz­met­kerlerine kúrdelilik sanaty boıynsha tólemaqy tólenip jatqanyn aıtty. Bú­ginde tólengen járdemaqy mólsheri 10 mlrd-tan asa teńgeni quraǵan.

«Jalpy alǵanda, qaladaǵy epıdemııa­lyq jaǵdaı turaqty. Qoǵamdyq densaýlyq saqtaý basqarmasy kúzgi-qysqy kezeńde COVID-19-dyń aldyn alý jáne emdeý boıynsha is-sharalar josparyn bekitti. Alǵashqy medısınalyq-sanıtarlyq kó­mek uıymdarynyń deńgeıinde COVID-19 sımptomsyz jáne aýrýy je­ńil bolyp keletin, sondaı-aq indet juqtyrǵandarmen baılanysta bolǵan adamdarǵa naýqastardy qashyqtan basqarý boıynsha jumys uıymdastyrylady. KVI jáne pnevmonııamen aýyratyn naýqastarǵa úı jaǵ­daıyndaǵy aýrýhanalar uıymdastyrý, olarǵa aqysyz dári-dármekter berý qa­rastyrylǵan. Qalanyń barlyq emhanasynda mobıldi toptar pasıentterge úı­ge barý arqyly qyzmet kórsetedi. Indet juqtyrýy múmkin naýqastardan koronavırýs ınfeksııasyna úıden PSR-test alý qarastyrylǵan. Olardyń sany 207-ni quraıdy. Kúnine osyndaı top 200-den asa shaqyrtýlarǵa shyǵyp júr», dedi ol.

Atalǵan basqarmanyń aqparatyna súıensek, qalanyń barlyq emhanasynda fıltr kabınetter jumys isteıdi. Olardyń negizgi mindeti – ótkir respı­rator­lyq vırýstyq ınfeksııa belgileri bar naýqastardy anyqtaý jáne oqshaýlaý. Fıltr kabınetterinde pasıentter PTR-testileýden ótedi. Eger vırýs anyqtalsa, ambýlatorııalyq baqylaý jáne emdeý bas­talady. Kúnine fıltr kabınetterden 350-ge jýyq naýqas ótedi. Eger koronavırýs anyqtalsa, olar ambýlatorııalyq emdeýdi bastaıdy.

9 aıda 96 mlrd teńge kóleminde qyzmet kórsetildi

Áleýmettik medısınalyq saqtandyrý qorynyń Nur-Sultan qalasy boıynsha fılıalynyń dırektory Nurlybek Qabdyqaparov 2020 jyldyń 1 qańtarynan bastap elimizde medısınalyq saqtandyrý júıesi engizilgenin aıtyp, sol boıyn­sha medısınalyq qyzmet eki paket – tegin medısınalyq kepildendirilgen kó­mek kólemi (TMKKK) jáne mindetti áleý­mettik medısınalyq saqtandyrý (MÁMS) bo­ıynsha kórsetiletinin aıtty.

«Medısınalyq saqtandyrý qory 2020 jylǵy 20 qazandaǵy jaǵdaı boıyn­sha Nur-Sultan qalasynda 100 qyzmet jetkizýshi medısınalyq uıym­men kelisimshartqa otyrǵan. 2020 jyl­dyń 9 aıynda 96 mlrd teńge mólshe­rin­degi somaǵa qyzmet kórsetilgen. Jospar­lanǵan soma 111,8 mlrd teńge bolsa, onyń 86%-y oryndalǵan. Olardyń ishinde TMKKK aıasynda – 68,0 mlrd teńgege qyzmet kórsetilip, jospar 93% oryndalǵan (josparlanǵan soma 73 mlrd teńge), MÁMS júıesinde – 28 mlrd teńgege qyzmet kórsetilip, jospar 72% oryndalǵan (josparlanǵan soma 38,8 mlrd teńge). TMKKK aıasynda 4,8 mlrd qosym­sha qajettilik bar.

COVID-19 indetiniń taralýyna jol bermeý maqsatynda tótenshe jaǵdaıdaǵy sharalarǵa tólem júrgizý loty boıynsha 18 134 146 teńge bólindi. Naýryz-qyr­kúıek aılaryndaǵy qorytyndy boıyn­sha 15 524 417 teńge ıgerilip, keli­sim­shart somasynan qalǵany – 2 609 729 teńge.

2020 jylǵy 20 qazandaǵy jaǵdaı boıynsha Nur-Sultan qalasynda ambý­latorlyq deńgeıde PTR tásilimen bıo­logııalyq materıaldan COVID-19 vırýsyn anyqtaý úshin dıagnostıkalyq zert­teý qyzmetterin kórsetýge 870 mln teńge somasyna kelisimshart jasalǵan. Olar­dyń ishinde TMKKK qarjylandyrý kózi bo­ıynsha 369 mln teńge somasyna, MÁMS qarjylandyrý kózi boıynsha 501 mln teńge somasyna kelisimshart jasalǵan.

Aıta ketetin jaıt, Nur-Sultan qala­sy boıynsha turǵyndar sany – 1 166 015. Olardyń ishinde 636 239 turǵyn jeńil­digi bar sanatqa jatady, bul barlyq turǵyn­dardyń 55%-yna jýyq, olar úshin jar­nany memleket tóleıdi. Elordada 1 qazandaǵy jaǵdaı boıynsha 354 925 adam – jaldamaly jumysker, 43 635 adam – jeke kásipker, azamattyq-quqyqtyq shart negizinde jumys isteıtinder – 47 666, biryńǵaı jıyntyq tólem boıynsha jarna aýdarǵandar – 133 174, óz betinshe jarna tóleıtinder sany – 11 446. Nur-Sultan qalasy boıynsha saqtandyrylǵan turǵyndar sany – 964 431.

«Jarnalar men aýdarymdar somasyna qatysty aıtar bolsam, Nur-Sultan qalasy boıynsha jumys berýshiler men jeke kásipkerlerdiń mindetti áleý­mettik medısınalyq saqtandyrý úshin júıe iske qosylǵan 2017 jyldyń 1 shil­desi men 2020 jyldyń 30 qyrkúıegi aralyǵynda aýdarǵan jarnalarynyń jal­py somasy 49,9 mlrd teńgeni quraıdy. Olardyń qomaqty bóligi – 41 mlrd teńge jumys berýshilerdiń aýdarymdary, al jeke kásipkerler men azamattyq-qu­qyqtyq shart negizinde jumys isteıtin tul­ǵalardan túsken jarnalar 8 mlrd teńgeni qurady. Úkimettiń 2020 jylǵy 20 sáýirdegi №224 qaýlysy negizinde shaǵyn jáne orta bıznes sýbektileri osy jyldyń 1 qazanyna deıin jeńildik kezeń aralyǵynda medısınalyq saqtandyrý jarnasyn tóleýden tolyǵymen bosatyldy», N.Qabdyqaparov.

Qazirgi ýaqytta qordyń Nur-Sul­tan qalasy boıynsha fılıaly buqa­ralyq aqparat quraldaryna, áleý­mettik jelilerge, Memlekettik kirister departamentiniń, «Atameken» UKP resmı saıttaryna, elordanyń Ortalyq býhgalterler úıine osy jeńildikti alý úshin shaǵyn jáne orta bıznes qyzmetkeri retinde «Qoldaý 24/7» mobıldi qosymshasy arqyly tirkelý tásili týraly aqparattyq materıaldar jiberilgen. Barlyǵy 33 585 shaǵyn jáne orta bıznes sýbektisi bar, olardyń ishinde tó­lem júrgizgen nemese qyzmetkerler tizi­­min jańartqandary – 19 833, tólem júr­giz­begen nemese qyzmetkerler tizimin jańart­­paǵan shaǵyn jáne orta bıznes sýbek­tisi – 13 752. Sondaı-aq memleket­tik kirister departamentiniń saıtynda msb.fms.kz siltemesi ornatylǵan. Eger shaǵyn jáne orta bıznes qyzmetkeri tizimde bolmasa, «Qoldaý 24/7» mobıldi qosymshasyn júktep alyp, tirkelip, óziniń shaǵyn jáne orta bıznes qyzmetkeri ekenin dáleldeıtin qujatyn tirkep, qorǵa ótinim jiberýi qajet. Bul baǵytta jumystar jalǵasýda.

«Qor turaqty túrde turǵyndarmen baılanys ornatyp otyr. 1 qańtar – 1 qazan aralyǵynda SRM Aıkeı-de 928 shaǵym tirkelgen, halyqty aqparattandyrý jáne ótinishterdi qaraý bólimi olardyń bárin qarady. 1 406 baılanys ortalyǵyna azamattardan shaǵym-ótinishter kóp túsedi. Munda 1 qańtar – 1 qazan aralyǵynda medısınalyq qyzmet kórsetý boıynsha 92 241 shaǵym tirkelgen. Olardyń bárin mamandar qarady. Shaǵymdardyń 70%-y­ karantın kezinde tústi. Áli de kún sa­­ıyn shaǵym-ótinishter túsedi», dedi «Áleý­mettik medısınalyq saqtandyrý qory» KeAQ Nur-Sultan qalasy boıynsha fılıalynyń dırektory.