Keńes barysynda Qostanaı, Lısakov, Arqalyq, Rýdnyı jáne Qostanaı, Qarabalyq, Jitiqara aýdandarynyń ákimderi ár aýdandaǵy epıdemııalyq ahýal týraly esep berdi. Sonymen qatar oblysta júzege asyrylyp jatqan indetke qarsy kúres sharalary men karantın rejimin saqtaý jónindegi monıtorıngtik toptardyń jumysy týraly sóz boldy.
Jıyn barysynda oblys ákimi aldaǵy beısenbiden bastap Qostanaı oblysymen shektesip jatqan irgeles oblystardan kiretin kólik joldaryna sanıtarlyq beket qoıylatynyn málimdedi.
– Shtab músheleri aıtqan usynystardy eskere otyryp, 12 qarashada saǵat 00.00-den bastap kórshiles oblystardyń shekarasynda oblystyń perımetri boıynsha sanıtarlyq beketter ornatý týraly sheshim qabyldandy, sondaı-aq monıtorıngtik toptardyń jumysy kúsheıtiledi, – dedi A.Muhambetov.
Aımaq basshysy jedel shtab ókilderine oblys turǵyndary men kásipkerlerge karantın talaptaryn saqtaýdyń mán-mańyzy týraly áleýmettik jeliler arqyly belsendi aqparattyq-túsindirý jumystaryn júrgizýdi tapsyrdy.
Indetke qarsy kúres shtabynyń málimetinshe, 9 qarasha kúni oblysta COVID-19 juqtyrǵan 63 adam anyqtalǵan. Qostanaıda – 36, Rýdnyıda – 16, Jitiqarada 5 naýqas tirkeldi.
Qostanaı oblysy
