Qustardyń qyrylýy alǵash ret 4 qarashada belgili bola bastady. Sol kúni rezervat qyzmetkerleri 16 qustyń, dálirek aıtqanda, 11 sýquzǵyn men 5 shaǵalanyń óleksesin taýypty. Al kelesi kúngi monıtorıng kezinde taǵy da 20 sýquzǵynnyń ólgeni anyqtaldy. Sondaı-aq 6-7 qarashada 13 qustyń ólgeni tirkelgen.
– Bizde saraptama qorytyndysy bolmaǵandyqtan, naqty sebebin aıta almaımyz. Qazir qustardyń jyly jaqqa oralý mıgrasııasy júrip jatyr. Qustardyń álsiregenin baıqadyq. Soǵan qaraǵanda, qustar mıgrasııa kezinde sharshap, álsiregen bolýy múmkin. Osyǵan baılanysty jumys komıssııasy quryldy. О́lgen qustar negizinen balyqpen nemese óleksemen qorektenetin qanattylar qataryna jatady, – deıdi oblystyq orman sharýashylyǵy jáne janýarlar dúnıesi aýmaqtyq ınspeksııasynyń bólim basshysy Mereke Shalqarov.
Degenmen tabıǵat qorǵaýshylar rezervat aýmaǵynda júrgiziletin monıtorıngti kúsheıtip otyr. О́ıtkeni munda qustardyń qyrylýy alǵash ret emes. Munda 2013 jyly da qustardyń qyrylýy tirkelgen bolatyn. «Aqjaıyq» memlekettik tabıǵı rezervatynyń akvatorııasyna kiretin «Shalyga» aralynda shaǵalalar jappaı qyrylyp, 1 250 qustyń óleksesi tabylǵan edi. О́kinishke qaraı, sol kezde qanattylardyń ajalyna ne sebep bolǵany ashyq aıtylǵan joq.
Al bul joly qustar neden qyryldy? Qus tumaýy ma, Atyraýdyń lastanǵan aýasynyń áseri bar ma? Taǵy da aıtylmaı qalyp júrmese...
Atyraý oblysy
