Aqparattyq ortalyq oqý jylynyń basynan beri KVI-men 80 oqýshy aýyrǵanyn habarlady. Búgingi tańda 14 bala saýyǵyp, 65-i ambýlatorııalyq emdelýde. Koronavırýs juqtyrǵan 54 oqýshy qashyqtan bilim alǵan.
ShQO-nyń Bas memlekettik sanıtarlyq dárigeriniń qaýlysymen úsh mektep karantınge jabyldy. Shákárim, Ozerskaıa, №10 JOM, Semeı qalalyq KKBTÝ Basqarmasynyń qaýlysy negizinde bes mektep qashyqtan oqytý formatyna kóshti.
Qalalyq bilim bóliminiń basshysy Natalııa Fesenkonyń aıtýynsha, mektepterde barlyq sanıtarlyq-epıdemıologııalyq normalar saqtalǵan.
"Ár mekemede ótkizý pýnkti bar, onda temperatýra tekserilip, barlyǵy dezınfeksııalyq tósenishterden ótedi. Temperatýra anyqtalǵan jaǵdaıda aýyrǵandar ızolıatorǵa ornalastyrylady, olardy medısına qyzmetkeri qaraıdy jáne jaǵdaıyna baılanysty úıge nemese aýrýhanaǵa jiberedi. Barlyq mekemeler dene temperatýrasyn ólsheýge arnalǵan teplovızorlarmen, qoldy óńdeýge arnalǵan shyntaq dozatorlarymen, dezınfeksııalaýshy kilemshelermen, antıseptıktermen, árbir oqýshyǵa arnalǵan eki danadan kóp ret qoldanylatyn maskalarmen, personalǵa arnalǵan maska jáne qolǵap, bakterısıdti shamdarmen qamtamasyz etilgen. Ár sabaqtan keıin bakterısıdti shammen emdeý, dymqyl tazalaý jáne jeldetý júrgiziledi. Qoldy jyly sýmen jýý úshin sý jylytqyshtar satyp alyndy. "Bir jaqty qozǵalys" erejesi boıynsha áleýmettik qashyqtyq úshin aýmaqta jáne ǵımaratta qozǵalys belgilengen", dedi Semeı qalasynyń bilim bóliminiń basshysy Natalııa Fesenko.
Sonymen qatar ol kelesi toqsanda oqýshylar onlaın nemese dástúrli formatta oqýdy jalǵastyra ma, joq pa áli belgisiz ekenin atap ótti.
