"Qys maýsymynda kólikpen alys joldarǵa shyqpas buryn, aýa raıy boljamyn mindetti túrde zerdelegen jón.
Eger qatty boran, burqasyn bolsa, jol keptelisinde uzaq turyp qalýyńyz múmkin. Tipti jol-kólik oqıǵasyna da tap bolýyńyz yqtımal", dedi ol.
TJM resmı ókili qandaı da bir eldi mekenge shuǵyl barý kerek bolsa, dittegen jerge kedergisiz jetý úshin temirjol kóligin paıdalanýǵa keńes berdi.
"Tómende keltirilgen qarapaıym usynymdardy oryndasańyz, boran bolǵan kezde jáne borannan keıin aman qalýǵa kóp septigin tıgizedi.
Qysta jolǵa shyǵar aldynda:
1. Muqııat aýa raıy boljamyn zerdeleńiz;
2. Qozǵalys úshin qandaı joldar jabylýy múmkin ekenin anyqtańyz. Aqparatty "Qazavtojol" UK saıtynda tolyǵymen jabyq ýchaskelerdiń kartasyn kórýge bolady. Ne bolmasa biryńǵaı telefon nómiri 1403 nemese qutqarý qyzmetiniń "112" telefon nómiri, sondaı-aq "Dármen" mobıldi qosymshasy arqyly naqtylaýǵa bolady.
"112" qyzmetinen resmı daýyldy eskertý alǵan jaǵdaıda eldi mekenderden jáne jolǵa shyǵýdan bas tarta turý qajet.
3. Jolǵa shyǵýǵa aldyn ala daıyndalǵan jón:
- mashınaǵa shuǵyl jaǵdaılarda qajet bolatyn alǵashqy kerekti zattardy salý:
- qosymsha otyn qoryna arnalǵan kanıstr (keminde 20 l) jáne quıýǵa arnalǵan quıǵysymen birge;
- tent nemese avtomobılge arnalǵan keminde 4*3m kem emes ólshemindegi (múmkin bolsa ashyq tústi bolǵany jaqsy, bul avtomobıldi qashyqtyqtan kórýge múmkindik beredi. Onyń kómegimen avtomobıldi qardan búrkemelep, ózińizdiń janyńyzǵa kishkene keńistik jasaýǵa bolady);
- qarapaıym qural-saıman (kúrek mindetti túrde, balta men pyshaq);
- súıreıtin arqan;
- ystyq shaı quıylǵan termos pen azyq-túlik qory (qalbyrdaǵy jartylaı fabrıkat et, jartylaı ystalǵan shujyq,10-15 lıtr sý, pakettegi sháı, qant, pechene jáne t.b.);
- gaz janǵyshy men dánerkerleý lampasy;
- qolsham men onyń batareıkalary (artyq qorymen);
- GPS-navıgator (smartfon bolmaǵanda qoldanýǵa bolady);
- jyly kıimder;
- karton qaǵazdary, qum nemese qıyrshyq tas qap, syrǵanamaıtyn shynjyr (ádette tájirıbeli júrgizýshiler qamdanady)", dep tolyqtyrdy Talǵat Ýálı.
TJM resmı ókili mindetti túrde kóliktiń qosalqy dóńgelegi, domkrat, dóńgelekke arnalǵan kilt, jóndeý jıyntyǵy, sorǵy, akkýmýlıator qýattaıtyn sym, avarııalyq toqtaý belgisi, órtsóndirgish pen dári qobdıshasy bolýy tıis ekenin atap ótti.
"Osyndaı qural-saıman jıyntyǵymen qysyltaıań jaǵdaılarda óte mańyzdy basqa da júrgizýshilerge kómektese alasyz.
Eń bastysy avtomobıl tehnıkalyq jaramdy jaǵdaıda bolýy tıis.
Eger jolda kele jatqanda boran bastalsa:
Eger jolǵa shyqqannan keıin qolaısyz aýa raıy bolǵan kezde (boran, burqasyn jáne t.b.), kóriný nasharlaǵanda:
1. Tumanǵa qarsy shamdardy, sondaı-aq avarııalyq belgini qosý kerek.
2. Aldynda nemese búıir jaǵynda kedergi bolǵanda qaýipsiz toqtaý úshin jyldamdyqty birtindep azaıtqan jón.
Bul kezde ózge kólikterdi basyp ozýǵa bolmaıdy. Ara qashyqtyqty saqtaǵan durys.
3. Eldi mekennen alys jerlerde burqasyn, boran kezinde nemese kórý qashyqtyǵy nasharlaǵan kezde qar astynda qalyp qoıýyńyz múmkin bolǵandyqtan kez kelgen avtojolda qozǵalysty jalǵastyrý óte qaýipti.
Múmkindiginshe janarmaı beketteri, jol boıyndaǵy dámhana, dóńgelek jóndeý pýnkti, kempıng, júk kólikteriniń turaǵy, parkovka jáne t.b. bolýy múmkin jaqyn mańdaǵy qaýipsiz orynǵa jetip alǵan durys.
Tik joldyń boıyna toqtamaǵan jón.
4. Eger qozǵalý múmkin bolmaǵan jaǵdaıda jáne kómeksiz shyǵa almaıtyn bolsańyz úreıge boı bermeı birden "112", "101", "102" shuǵyl qyzmetteriniń telefon nómirlerine qońyraý shalyńyz. О́zińizdiń koordınattaryńyzdy, aınaladaǵy otyn qory jáne t.b. aqparatty berińiz. Kómekke mindetti túrde keledi.
Shuǵyl qyzmetter avttomobılderdi lektik ilesip júrýge sheshim qabyldaǵan jaǵdaıda:
- jol qozǵalysy erejelerin saqtańyz;
- ilesip júretin shuǵyl qyzmet belgilegen jyldamdyq rejımin saqtańyz;
- ótkizý pýnktinen shyqqan avtomobıldiń artynan ilesińiz jáne ony basyp ozbańyz;
- aldynda kele jatqan avtomobıldiń arasyndaǵy qashyqtyqty saqtańyz;
- alaǵy avtomobılderdi basyp ozýǵa bolmaıdy;
- aınalańdaǵy qozǵalysqa úlken mán berińiz", deıdi ol.
