"Monıtorıng toptardyń reıd tekserýleriniń nátıjesinde respýblıka boıynsha ótken aptada karantın sharalaryn buzý faktileri anyqtalǵan nysandardyń jalpy úlesi 9,7 paıyzdy qurady. Shyǵys Qazaqstan, Almaty oblystarynda epıdemııaǵa qarsy shekteý sharalaryn saqtamaıtyn nysandar sanynyń aıtarlyqtaı artqany baıqalady", dedi vıse-mınıstr Ortalyq kommýnıkasııalar qyzmetindegi baspasóz máslıhaty barysynda.
Onyń atap ótýinshe, ótken aptada Shyǵys Qazaqstan oblysynda shekteý sharalaryn buzatyn nysandardyń úles salmaǵy 12-den 33 paıyzǵa, Almaty oblysynda 5-ten 12 paıyzǵa artqan.
"Ákimshilik quqyqbuzýshylyq týraly kodekstiń 425-babyna sáıkes, shekteý sharalary talaptaryn buzǵany úshin Túrkistan oblysynda 237, Shyǵys Qazaqstan oblysynda 260, Almaty oblysynda 106 jáne Aqmola oblysynda 101 nysanǵa ákimshilik aıyppul saldy", dedi Bas memlekettik sanıtarııalyq dáriger.
