"Ekinshi jyl qatarynan bizdiń birlesken jobalarymyz júzege asyrylyp jatyr. Sybaılas jemqorlyqqa qarsy kúreste BǴM óz bastamalaryn usynyp, belsendilik tanytyp keledi. Sońǵy ýaqytta bilim salasynda ashyqtyq, aıqyndyq jáne obektıvtiliktiń arqasynda oń ózgerister baıqalady. Bul Tuńǵysh Prezıdent – Elbasy men Memleket basshysynyń saıasaty, al qoıylǵan mindetti mınıstr oryndap jatyr. Jalpy sybaılas jemqorlyq táýekelderdin joıý barysynda joǵary oqý oryndary qaýymdastyǵy, sarapshylar men tutastaı alǵanda vedomstvo qyzyǵýshylyq tanytyp otyrǵanyn kórip otyrmyz. Bilim jáne ǵylym mınıstrine belsendi ustanymy úshin alǵys bildiremin", – dedi Alık Shpekbaev.
Jıynda birlesken jobalardyń nátıjeleri erekshe atap ótildi. Bul baǵytta azamattyq qoǵamdy jumyldyrýǵa basty nazar aýdarylǵan.
Onyń jarqyn mysaly retinde elimizdiń barlyq óńirinde magıstratýraǵa túsý kezinde Agenttik pen Ulttyq testileý ortalyǵy birlesip júrgizgen monıtorıngti aıtýǵa bolady. Monıtorıngke 500-den astam baqylaýshy qatysty. Nátıjesinde daıyndyq deńgeıi tómen ári akademııalyq adaldyqtan jurdaı úmitkerler tizimge ilikpedi jáne memleket 2,7 mlrd teńge únemdedi.
"Halyqaralyq baǵdarlamalar ortalyǵy" AQ-daǵy ("Bolashaq") syrtqy taldaý ortalyq qyzmetiniń túbegeıli transformasııalanýyna negiz boldy. Bıznes-prosesterdi ońtaılandyrý nátıjesinde jyl saıyn 1,3 mlrd teńge bıýdjet qarajaty únemdeletin bolady.
Qoǵamdyq monıtorıng sheńberinde qashyqtan oqytý kezinde kompıýterlerdi satyp alýǵa bólingen qarajatty úlestirý jónindegi komıssııalardyń quramynda "Adaldyq alańy" óńirlik jobalyq keńseleri, Arnaıy monıtorıngtik toptardyń jáne Agenttiktiń aýmaqtyq bólimsheleriniń ókilderi boldy. "Baǵa – sapa" qaǵıdaty boıynsha kompıýterlik tehnıkany áleýetti jetkizýshilerdiń baǵa usynystaryn irikteý arqyly birlesken kúsh-jigermen shamamen 3,6 mlrd teńge únemdeldi.
"Biz Sybaılas jemqorlyqqa qarsy is-qımyl agenttiginiń arnaıy monıtorıngtik tobynyń músheleri retinde aımaqtardy aralap, bilim salasyndaǵy jaǵdaı jaqsaryp kele jatqanyn baıqadyq. Aýqymdy jumystar atqarylyp, barlyq prosess avtomattandyrylǵan. Bul sybaılas jemqorlyq táýekelderin aıtarlyqtaı tómendetedi. Mınıstrlik arnaıy monıtorıngtik toptyń múshelerimen turaqty jumys jasap, jemqorlyq táýekelderin tómendetý úshin ádisterin usynyp keledi. Kóptegen óńirde jumysqa qabyldaý prosesi elektrondyq formatqa aýysyp jatyr", – dep atap ótti Agenttiktiń arnaıy monıtorıngtik tobynyń jetekshisi Aıgúl Soloveva.
Bultty tehnologııalarǵa kóshý, pedagogterdi elektrondyq formatta attestattaýdan ótkizý sybaılas jemqorlyq táýekelderin aıtarlyqtaı tómendetýge kómektesedi. Qujattardy qabyldaý, kolledjder men joǵary oqý oryndaryna túsý emtıhandaryn ótkizý prosesteri avtomattandyrylyp jatyr. Bul sybaılas jemqorlyq faktorlaryn joıýǵa múmkindik beredi.
"Aqsha stýdentpen birge júredi" júıesi ýnıversıtetter, kolledjder arasynda básekelestikti arttyryp, óz kezeginde bilim berý qyzmetteriniń sapasyn jaqsartýǵa yqpal etedi. 2021 jyly mektepke deıingi bilim berý salasynda da vaýcherlik júıe engiziletin bolady. Iаǵnı, budan bylaı ata-ana vaýcherdi alyp, balasyn qaı balabaqshaǵa beretinin ózi sheshedi.
О́z kezeginde QR BǴM-niń sybaılas jemqorlyqqa qarsy is-qımyl jónindegi "Adal Bilim" jobalyq keńsesiniń jetekshisi Talǵat Nárikbaev zańnamaǵa ózgerister engizýdi jáne óńirlerdegi bilim berý sapasy úshin jergilikti atqarýshy organdardyń jaýapkershiligin arttyrýdy usyndy.
"Úkimet aldynda bilim salasyna tek BǴM jaýap beretinine nazar aýdarǵym keledi. Bul rette barlyq uıymdastyrýshylyq jáne materıaldyq resýrs ákimdikterdiń qolynda ekenin atap ótken jón. Osyǵan oraı, biz jergilikti atqarýshy organdardyń bilim berý salasyndaǵy jaýapkershiligin zańnamalyq deńgeıde arttyrýdy usynamyz", – dedi Talǵat Nárikbaev.
Keńeske qatysýshylar Bilim jáne ǵylym mınıstrligine oqýshylar men stýdentterdiń boıynda sybaılas jemqorlyqqa qarsy mádenıetti qalyptastyrý boıynsha oqý pánderin engizýdi usyndy. Sondaı-aq barlyq stýdent qyzmetterdi qashyqtan, ıaǵnı elektrondy formatta alýy úshin kolledjder men joǵary oqý oryndarynda sıfrlandyrý baǵytyndaǵy jumysty jandandyrý qajet ekenin aıtty.
"Problemalyq máseleler joq emes. Aıtylǵan barlyq usynysty egjeı-tegjeıli taldap, jumys júrgizetin bolamyz. Táýekelderdi boldyrmaý úshin bizge ashyqtyqty tolyq qamtamasyz etý mańyzdy. Sybaılas jemqorlyqqa qarsy is-qımyl boıynsha jumysty jalǵastyramyz", – dedi Bilim jáne ǵylym mınıstri Ashat Aımaǵambetov.
