Ormandar men janýarlar dúnıesin qorǵaý jónindegi Jýaly aýdany mekemesi men Jýaly aýdandyq prokýratýra qyzmetkerleri josparly tekserý barysynda Berikqara shatqalynyń batys bóliginen N 343 ǴNN memlekettik nómirli «VAZ-2107» avtokóligin toqtatty. Tekserý kezinde kólik qorabynan optıkalyq kózdeý quraly bar oqtaýly besatardy, 12-shi kalıbrli qos aýyz ańshy myltyǵyn oq-dárisimen jáne... qanǵa bókken elikti tapty.
Ormandar men janýarlar dúnıesin qorǵaý jónindegi Jýaly aýdany mekemesi men Jýaly aýdandyq prokýratýra qyzmetkerleri josparly tekserý barysynda Berikqara shatqalynyń batys bóliginen N 343 ǴNN memlekettik nómirli «VAZ-2107» avtokóligin toqtatty. Tekserý kezinde kólik qorabynan optıkalyq kózdeý quraly bar oqtaýly besatardy, 12-shi kalıbrli qos aýyz ańshy myltyǵyn oq-dárisimen jáne... qanǵa bókken elikti tapty.
Avtokóliktegi úsh brakonerdiń biri Ońtústik Qazaqstan oblysy Saıram aýdanynyń turǵyny Bolat Ábdihalyqov taý erkesin zańsyz atqanyn tolyq moıyndady. Anyqtalǵan fakt boıynsha ákimshilik quqyq buzýshylyq jóninde hattama toltyrylyp, aıǵaq-dálelder quqyq qorǵaý organdaryna tapsyryldy.
Zańsyz ań aýlaǵany úshin jeke tulǵalarǵa 7 men 15-ke deıingi aılyq eseptik kórsetkish boıynsha aıyppul salynady. Al eger zań buzýshylyq memleket qamqorlyǵyna alynǵan tabıǵı qoryqta oryn alsa, onda 40 pen 70 AEK-ke deıin aıyppul tóleýge tıis. Zańsyz ań aýlaý úlken shyǵynǵa soqtyrsa 300-den 500-ge deıin ákimshilik aıyppul salynady nemese 45 táýlikke ákimshilik qamaqqa jabylady. Sonymen qatar, tabıǵatty qorǵaý zańdylyqtaryn buza otyryp keltirgen zalaly óndiriledi. Al Saıram aýdanynan Jýaly aýdanyna kelip, erke elikti atqan B.Ábdihalyqovqa zańsyz áreketi úshin 100 AEK, ıaǵnı 173 100 teńge aıyp salyndy.
Kósemáli SÁTTIBAIULY,
«Egemen Qazaqstan».
Jambyl oblysy,
Jýaly aýdany,
Baýyrjan Momyshuly aýyly.
