Festıvalge jas ártister nemis klassıgi Geteniń "Erlkenıg" balladasynyń jelisimen beınefılm usyndy.
"Biz mazmunyn sál ózgertip, búgingi qoǵamǵa saı beıimdedik. Túpnusqada basty keıipker zulym rýhtyń áserinen qaıtys bolsa, bizdiń usynǵan ssenarııde áleýmettik jeliler men jalqaýlyqtyń jas urpaqqa áseri jáne ony paıdalanýshylardyń qoǵamnan alshaq ketý sebepterin kórsettik", – deıdi ananyń rólin somdaǵan 12-synyp oqýshysy Ksenııa Terzapýlo.
Avtorlardyń aıtýynsha, fılm zamanaýı jastardyń problemalaryn baıandaıdy. Sonymen qatar oqýshylar kórermenderge pandemııa kezinde aýrýdan qalaı qorǵaný kerektigi týraly birneshe keńester beredi.
"Festıvaldiń talaptaryna sáıkes fılm qashyqtan ázirlendi. Túsirý barysynda ártister jeke onlaın jumys jasady. Árqaısysy óz rólin oıdaǵydaı oınap qana qoımaı, kadrdy túsirý men ornyn oılastyrýda kreatıvtiligin baıqatty. Mazmuny tolyqqandy fılm bolý úshin keıipkerler arasyndaǵy baılanysty sheber kórsete bilý qajet boldy", – deıdi top jetekshisi, nemis tili men ádebıeti muǵalimi Anar Pirmahanova.
Uıymdastyrýshylar atap ótkendeı, qyzylordalyq zııatkerler usynǵan fılm óte áserli boldy. Balalar óz rólderin senimdi jáne kásibı deńgeıde oınap shyqty. Keıipkerler kostıýmderi, taqyryptyq dekorasııa jáne ormandaǵy mıstıkalyq kórinister bir-birimen úılesimdi boldy. Daýys berý nátıjesinde oqýshylar jumysy "Eń úzdik beınekonsepsııa" atalymynda jeńimpaz atandy.
Qyzylordadaǵy NIS bilim alýshylary – Gete ınstıtýty ótkizetin "Sahnadaǵy nemis tili" jobasynyń jyl saıyn qatysyp keledi. Mektep qabyrǵasynda nemis tilinen alǵan bilimderin oqýshylar osyndaı festaval aıasynda ótkiziletin vorkshoptar, sheberlik synyptarmen sabaqtastyryp jetildirýde.
