Sharada oblys ákimi G.Ábdiqalyqova Qyzylorda avtobýs parki qurylǵan sanaýly jylda avtoparktiń tehnıkalyq bazasyn qalyptastyrý maqsatynda 122 avtobýs alynǵanyn aıtyp ótti.
Semeı qalasyndaǵy "SEMAZ" jaýapkershiligi shekteýli seriktestiginde qurastyrylǵan kólikterdi alýǵa oblystyq bıýdjetten 209, al avtobýs parkinen 242 mln teńge jumsalyp otyr.
Sońǵy úlgidegi ishi keń ári jaıly zamanaýı avtobýstar marshrýt jyldamdyǵyn shekteý, qozǵalys ıntervalyn baqylaýǵa arnalǵan GPS júıesimen jabdyqtalǵan, jergilikti jerdiń klımattyq jaǵdaıyna beıimdelgen. Ekologııalyq taza metan gazymen júredi. Qaýipsizdik úshin jolaýshylardyń minip, túsýi tolyǵymen beınebaqylaý kamerasyna túsiriledi. Eń bastysy múmkindigi shekteýli azamattarǵa qoljetimdi etip yńǵaılastyrylǵan.
Jańadan kelgen avtobýstar búginnen bastap jolaýshylar tasymaly basym №1 baǵytqa jiberilip, jolaýshylarǵa qyzmet kórsetetin bolady.
