Sınoptıkter Almatyda aýa raıynyń nasharlaýyn boljady. Jaýapty mamandar bul indettiń etek jaıýyna ákelýi múmkin ekenin aıtty.
Qalalyq sanıtarlyq-epıdemııalyq baqylaý departamentiniń málimetteri boıynsha aǵymdaǵy jyldyń 14 qarashasyndaǵy jaǵdaı boıynsha. Almaty qalasynda koronavırýstyq ınfeksııanyń 15 166 jaǵdaıy tirkeldi, onyń 9 145-i sımptomdy, 6021-i sımptomsyz boldy. Aǵymdaǵy jyldyń 13 qarashasynda Koronavırýstyq ınfeksııanyń 77 jaǵdaıy tirkeldi, onyń ishinde 45-i sımptomdy, 32-si sımptomsyz.
Buryn habarlanǵandaı, sanıtarlyq-epıdemııalyq jaǵdaıdy JRVI men tumaýdyń maýsymdyq kezeńi jaǵdaıdy qıyndata túsedi. О́tken jyldyń sáıkes kezeńimen salystyrǵanda jedel respıratorlyq vırýstyq ınfeksııalar sanynyń 2,2 esege ósýi baıqalady.
Aýa raıynyń nasharlaýynyń salqyndaýymen baılanysty qoǵamda epıdemııalyq prosester kúsheıe tústi, bul kezde KVI ınfeksııasy jappaı shoǵyrlanǵan jerlerde paıda bolady. Osyǵan baılanysty Almaty qalasynyń sanıtarlyq-epıdemııalyq qyzmeti qala turǵyndaryna profılaktıkalyq sharalardy saqtaýdy qatań túrde usynady. Birinshiden, adamdar kóp bolatyn jerlerden, ásirese 65 jastan asqandardyń aýlaq bolǵany jón. Ekinshiden, maskalar qoldanyńyz jáne qoǵamdyq oryndarda, mysaly dúkenderde, dárihanalarda jáne t.b.
Eger sizde JRVI belgileri bolsa, úıden shyqpańyz, dárigerdi úıge shaqyryńyz. О́zińizdi ózińiz emdemeńiz, balalardy jáne egde jastaǵy otbasy múshelerin jeke bólmede oqshaýlaý arqyly qorǵańyz. Almatydaǵy "Qazgıdromet" RMK fılıalynyń meteorologııalyq boljamdar bóliminiń habarlaýynsha, 14-20 qarasha aralyǵynda aýa temperatýrasy túnde - 10-15 °S, kúndiz - 3-8 °S deıin tómendeıdi.
15 qarasha: kóshpeli bultty, kúndiz azdaǵan jaýyn-shashyn (jańbyr, qar). Soltústik-shyǵystan 3-8 m/s jyldamdyqpen jel soǵady. Aýa temperatýrasy túnde - 1-3 °C (aıaz), kúndiz +4-6 jylý.
16 qarasha: kóshpeli bult shyǵady, mezgil-mezgil jaýyn-shashyn jaýady (kóbine qar). Soltústik-shyǵystan 3-8 m/s jyldamdyqpen jel soǵady. Aýa temperatýrasy túnde - 5-7 °S, kúndiz 0, -2 °S.
17-18 qarasha: kóshpeli bult shyǵady, keıde qar jaýady. Jel 2-7 m/s. Aýa temperatýrasy túnde - 7-12 °S, kúndiz - 1-6 °S.
19-20 qarasha: kóshpeli bultty, jaýyn-shashynsyz. Jel 2-7 m/s. Aýa temperatýrasy túnde - 10-15, kúndiz - 3-8 °S.
