О́ıtkeni ulttyq valıýtany jarııalap, ony aınalymǵa túsirý táýelsizdiktiń basty qadamdarynyń biri edi. Al, teńgeniń aınalymǵa túsýi egemendi Qazaqstannyń qarjylaı da táýelsiz ekenin taǵy bir jarııa etýi bolatyn.
Búginde aqsha birlikteri memlekettiń damýynyń mańyzdy rólin atqarady. Olarsyz memleketaralyq qatynastardy ornyqtyrý múmkin emes, memleket ishindegi qarjy operasııalarynyń birin de oryndaı almaıdy.
Qazaqstannyń teńgesi 1993 jyly 15 qarashada aınalymǵa endi. Al, 1997 jyly 13 qarashada Qazaqstan Respýblıkasynyń Tuńǵysh Prezıdenti N.Á. Nazarbaev alǵash teńgeniń aınalymǵa túsken kúnin "Ulttyq valıýta kúni" dep jarııalady óz Jarlyǵynda.
Eldiń egemendigin jańa jar salǵan aýmaly-tókpeli ýaqytta tól teńgemizdi dúnıege ákelý táýekeldi qadam bolatyn. Memlekettegi ekonomıkalyq qıyndyqqa qaramastan, qazaq ultynyń tuńǵysh valıýtasy jaryq kórdi, táýelsiz eldiń aınalymyna tústi.
