Keshe Premer-Mınıstrdiń birinshi orynbasary Baqytjan Saǵyntaevtyń tóraǵalyǵymen ruqsat berý júıesin jetildirý máseleleri jónindegi vedomstvoaralyq komıssııanyń onynshy – osy jylǵy qorytyndy otyrysy ótti, dep habarlady Premer-Mınıstrdiń baspasóz qyzmeti.
Keshe Premer-Mınıstrdiń birinshi orynbasary Baqytjan Saǵyntaevtyń tóraǵalyǵymen ruqsat berý júıesin jetildirý máseleleri jónindegi vedomstvoaralyq komıssııanyń onynshy – osy jylǵy qorytyndy otyrysy ótti, dep habarlady Premer-Mınıstrdiń baspasóz qyzmeti.
Komıssııa músheleri qazaqstandyq bıznes ókilderinen quralǵan saraptamalyq toppen birigip, elimizdegi ruqsat berý júıesiniń túgendeý jumystarynyń nátıjelerine taldaý jasady.
Otyrysta 925 ruqsat berý qujaty qaralyp, onyń 51-iniń kúshi joıyldy, 6-y habarlama berý tártibine aýystyryldy. 116 ruqsat berý qujaty ázirlenip otyrǵan «Ruqsattar men habarlamalar týraly» zań jobasynyń talaptaryna sáıkes kelmegendikten, tizbeden alynyp tastaldy.
Bul isti júıeli jolǵa salý úshin «Ruqsattar men habarlamalar týraly» zań jobasy ázirlenýde.
– Atalǵan zań jobasy komıssııa jumysynyń negizgi qorytyndysy bolyp tabylady. Qazaqstan tájirıbesinde birinshi ret ruqsattardyń tolyq tizbesi men olardy engizý men kúshin joıýdyń biryńǵaı tártibi belgilenýde, – dep atap ótti Baqytjan Saǵyntaev.
Sonymen, komıssııanyń qorytyndy otyrysynda 758 qujat bekitildi, onyń 719-y – ruqsattar, 39-y – habarlamalar. Zań qabyldanǵannan keıin kez kelgen jańa ruqsat atalǵan komıssııa maquldaǵannan keıin jáne zańǵa qosymsha bolyp tabylatyn tizbege engizilgennen keıin ǵana ómirge joldama alady.
