Azamattyq forýmǵa Qyzylorda oblysynyń ÚEU, sarapshylar, bıznes qurylym ókilderi, memlekettik organ qyzmetkerleri, kásipodaq uıymdary men BAQ ókilderi qatysyp jatyr.
Elimizdiń qoǵam belsendilerin biriktiretin dástúrli aýqymdy is-sharany bıyl jańa formatta ótkizý josparlanyp otyr. Azamattyq forým bes kúnge josparlanǵan baǵdarlamamen ótip jatyr.
Azamattyq qoǵam aptalyǵy sheńberinde Qazaqstan Respýblıkasynda Azamattyq qoǵamdy damytý tujyrymdamasynyń negizgi baǵyttaryn talqylaý josparlanǵan. Atap aıtqanda, azamattardyń sheshim qabyldaýǵa qatysýy; qoǵamdyq baqylaý — shynaıylyq pen múmkindikter; ÚEU básekege qabilettiligi: tabys faktorlary, táýekelder, perspektıvalar; qoǵam, memleket jáne bıznes dıalogy atty baǵyttar talqylanýda.
Forým delegattary onlaın formatta respýblıkalyq forýmnyń sarapshylyq, pikirtalas jáne oqytý sharalaryna qatysyp, Qazaqstan Respýblıkasyndaǵy azamattyq qoǵamnyń damýy boıynsha óz suraqtaryn kótere alýda. IX oblystyq Azamattyq forýmy bes kún ótedi.
